விஜய் 66 : நாயகி பட்டியலில் இடம் பிடித்த இன்னொரு பாலிவுட் நடிகை
பீஸ்ட் படத்தை அடுத்து தெலுங்கு இயக்குனர் வம்சி பைடிபள்ளி இயக்கும் படத்தில் ஏப்ரல் இரண்டாவது வாரத்தில் நடிக்கப் போகிறார் விஜய். தமன் இசையமைக்கும் இந்த படத்தை தில் ராஜு தயாரிக்கிறார் . மேலும் இந்த படத்தில் விஜய்க்கு ஜோடியாக ராஷ்மிகா மந்தனா, கீர்த்தி சுரேஷ், தமன்னா என சில நடிகரிகளின் பெயர் அடிபட்ட நிலையில் சமீபத்தில் பாலிவுட் நடிகை கீர்த்தி சனோன் விஜய்க்கு ஜோடியாக நடிப்பதாக கூறப்பட்டது.
ஆனால் தற்போது ஹிந்தியில் தோனியின் வாழ்க்கை வரலாறு கதையில் உருவான தோனி படத்தில் காதலி பிரியங்கா வேடத்தில் நடித்த திஷா பதானி நடிக்கப் போவதாக கூறப்படுகிறது. இவர்தான் அல்லு அர்ஜுன் நடித்து வரும் புஷ்பா படத்தின் இரண்டாம் பக்கத்தில் முதல் பக்கத்தில் சமந்தா ஆடியது போன்ற ஒரு பாடலுக்கு நடனமாட உள்ளார். என்றாலும் விஜய் 66ஆவது படத்தின் நாயகி யார் என்பது மிகப்பெரிய குழப்பமாகவே இருந்து வருகிறது.