துருவங்கள் பதினாறு, கவலை வேண்டாம் உள்ளிட்ட படங்களில் நடித்த
யாஷிகா ஆனந்த்
, தனது கிளாமரான நடிப்பால் ரசிகர்களை தன்பக்கம் ஈர்த்தவர். அதன்பின்னர் பிக்பாஸ் நிகழ்ச்சி மூலம் பிரபலமான யாஷிகா கடந்த சில மாதங்களுக்கு முன்பாக மோசமான கார் விபத்து ஒன்றில் சிக்கினார்.
கடந்த ஆண்டு ஜூலை 25ம் தேதி அதிகாலை ஒரு மணி அளவில் நண்பர்களுடன் பார்ட்டி ஒன்றிற்கு சென்றுவிட்டு புதுச்சேரியில் இருந்து காரில் சென்னை நோக்கி வந்துள்ளார். அப்போது அதிவேகாமாக வந்த யாஷிகாவின் கார் கிழக்கு கடற்கரை சாலையில் உள்ள சூளேறிக்காடு என்ற பகுதி அருகே கட்டுப்பாட்டை இழந்து தடுப்பு சுவரில் விபத்துக்குள்ளானது.
இந்த விபத்தில் யாஷிகா ஆனந்தின் தோழியான ஐதராபாத்தைச் சேர்ந்த பெண் இன்ஜினியர் வள்ளி செட்டி பவணி விபத்தில் சம்பவ இடத்திலேயே உயிரிழந்தார். விபத்தில் படுகாயம் அடைந்த யாஷிகா ஆனந்த் சென்னையில் உள்ள பிரபல தனியார் மருத்துவமனையில் சிகிச்சை பெற்றார். அவருக்கு இடுப்பு, முதுகு, வயிறு, கால் என பல இடங்களிலும் எலும்பு முறிவு ஏற்பட்டதை தொடர்ந்து அறுவை சிகிச்சை செய்யப்பட்டது.
‘ஆர் ஆர் ஆர்’ இயக்குனருடன் என்னதான் பிரச்சனை: உண்மையை போட்டுடைத்த ஆலியா..!
இந்நிலையில் உடல்நிலை சரியாகி கடந்த சில மாதங்களுக்கு முன்பாக வீடு திரும்பினார் யாஷிகா. தற்போது முழுவதுமாக உடல்நிலை தேறியுள்ள யாஷிகா சோஷியல் மீடியாவில் ஆக்டிவாக செயல்பட்டு வருகிறார். இந்நிலையில் தன்னுடைய சமூக வலைத்தள பக்கத்தில் ரசிகர்களின் கேள்விகளுக்கு பதிலளித்தார். அப்போது நெட்டிசன் ஒருவர் நீங்கள் குடித்து விட்டு வாகனம் ஓட்டி விபத்துக்குள்ளான வழக்கு என்னவாயிற்று? உங்கள் தோழியை கொன்ற பிறகு இப்போது எப்படி உணருகிறீர்கள் என ஏடா கூடமாக கேட்டிருந்தார்.
இதற்கு பதிலளித்த யாஷிகா, அது குடித்துவிட்டு ஏற்பட்ட விபத்து இல்லை. நான் சுயநினைவு இல்லாமல் இருந்ததால் அப்பல்லோ மருத்துவமனைக்கு கொண்டு செல்லப்பட்டேன். நான் குடிக்கவில்லை என ரிப்போர்ட் கூட வந்துவிட்டது. சரியான தகவல்கள் இல்லாமல் வதந்தியை பரப்ப வேண்டாம். இந்த எலும்பு முறிவு எல்லாம் ஏற்படாமல் நான் போய் சேர்ந்து இருந்தாலே நன்றாக இருந்திருக்கும் என வருத்தத்துடன் பதிலளித்து, சிறிது நேரத்தில் தன்னுடைய பதிவை நீக்கிவிட்டார் யாஷிகா.
நெல்சன் போட்ட ஒரு ட்வீட்.. தலைவருக்கா? தளபதிக்கா?
அடுத்த செய்திபீஸ்ட் ரிலீஸ் தேதியில் மாற்றம்.. வெளியான அதிகாரபூர்வ அறிவிப்பு..!