உக்ரைனின் செர்னோபில் அணுமின் நிலையத்திலிருந்து பல வார ஆக்கிரமிப்புக்குப் பிறகு ரஷ்ய துருப்புக்கள் வெளியேறியதாக உக்ரைனிய அதிகாரிகள் தெரிவித்தனர்.
“செர்னோபில் அணுமின் நிலையத்தின் எல்லையில் இனி வெளியாட்கள் யாரும் இல்லை” என்று செர்னோபில் விலக்கு மண்டலத்திற்குப் பொறுப்பான உக்ரைனின் அரசு நிறுவனம் அதன் Facebook பக்கத்தில் தெரிவித்துள்ளது.
முன்னதாக நேற்று, மாநில அணுசக்தி நிறுவனமான Energoatom, பிப்ரவரி 24 அன்று ரஷ்ய படையெடுப்பு தொடங்கியதில் இருந்து அவர்கள் ஆக்கிரமித்துள்ள நிலையம் மற்றும் பிற விலக்கு மண்டலங்களிலிருந்து ரஷ்ய துருப்புக்கள் வெளியேறத் தொடங்கின என்று கூறியது.
Energoatom அதன் டெலிகிராம் தளத்தில் “இன்று காலை, படையெடுப்பாளர்கள் செர்னோபில் அணுமின் நிலையத்தை விட்டு வெளியேற தங்கள் விருப்பத்தை அறிவித்தனர்” என்று கூறியது.
#Ukraine informed IAEA today that Russian forces that had been in control of #Chornobyl Nuclear Power Plant since 24 Feb have, in writing, transferred control of the NPP to Ukrainian personnel and moved convoys of troops. https://t.co/DkBXEJpDu8 pic.twitter.com/guITblxwXP
— IAEA – International Atomic Energy Agency (@iaeaorg) March 31, 2022
அதனைத் தொடர்ந்து, சோர்னோபில் அணுமின் நிலைய ஊழியர்கள் பலர் வசிக்கும் Slavutych நகரிலிருந்து மூன்றாவது கான்வாய் புறப்பட்டு பெலாரஸ் நோக்கி நகர்ந்தது. மேலும், Chornobyl NPP தளத்தில் இன்னும் சில ரஷ்யப் படைகள் இருப்பதாக உக்ரைன் தெரிவித்தது, ஆனால் அந்தப் படைகள் வெளியேறத் தயாராகி வருவதாக தெரிவிக்கப்பட்டுள்ளது.
ரஷ்ய படையெடுப்புக்குப் பிறகு, செர்னோபில் கதிரியக்க அபாயங்கள் அதிகரிக்கும் என்ற அச்சம் உள்ளது.
இதனிடையே, செர்னோபில் விலக்கு மண்டலத்தில் இருக்கும் போது, ரஷ்யப் படைகள் அதிக அளவு கதிர்வீச்சைப் பெற்றதற்கான தகவல்கள் வெளியாகியுள்ளன, ஆனால் அந்த அறிக்கைகள் உறுதிப்படுத்தப்படவில்லை.
1986-ஆம் ஆண்டு ஏப்ரல் 26-ஆம் திகதி செர்னோபிலின் நான்காம் எண் அணு உலை வெடித்தது, இது உலகின் மிக மோசமான அணுசக்தி விபத்தை ஏற்படுத்தியது. இதில் நூற்றுக்கணக்கானவர்கள் உயிரிழந்தனர் மற்றும் கதிரியக்க மாசுபாடு ஐரோப்பா முழுவதும் பரவியது.