கோலிவுட் வட்டாராமே எதிர்பார்த்து கொண்டிருந்த விஜய்யின் ‘
பீஸ்ட்
‘ பட டிரெய்லர் தற்போது வெளியாகியுள்ளது. ‘மாஸ்டர்’ படத்தின் வெற்றியை தொடர்ந்து தற்போது இந்தப்படத்தில் நடித்து முடித்துள்ளார்
விஜய்
. ஏப்ரலில் ‘பீஸ்ட்’ படம் வெளியாகவுள்ள நிலையில் தற்போது வெளியாகியுள்ள படத்தின் டிரெய்லர் ரசிகர்கள் மத்தியில் மிகப்பெரிய எதிர்பார்ப்பினை கிளப்பியுள்ளது.
சன் பிக்சர்ஸ்
தயாரிக்கும் ‘பீஸ்ட்’ படத்தில் விஜய்க்கு ஜோடியாக பூஜா ஹெக்டே நடித்துள்ளார். கோலமாவு கோகிலா, டாக்டர் படங்களை தொடர்ந்து விஜய் நடிப்பில் ‘பீஸ்ட்’ படத்தை இயக்கியுள்ளார்
நெல்சன் திலீப்குமார்
.இந்தப்படத்தில் மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்டோர் நடித்துள்ளனர்.
இந்நிலையில் கடந்த மாதம் 14ஆம் தேதி காதலர் தினத்தன்று வெளியான ‘பீஸ்ட்’ படத்தில் பர்ஸ்ட் சிங்கிளான “ஹலமித்தி ஹபிபோ” பாடல் பட்டி தொட்டியெங்கும் ஒலித்து வருகிறது. தளபதி விஜய்யின் துள்ளலான நடனமும் அனிருத்தின் அசத்தலான இசையும் இணைந்து வெளியாகியுள்ள இந்தப் பாடல் இதுவரை யூட்யூப்பில் பல கோடி பார்வையாளர்களை கடந்து சாதனை படைத்து வருகிறது.
தனுஷுக்கு போட்டியாக களமிறங்கும் செல்வராகவன்: ஷாக்கான ரசிகர்கள்..!
அதனை தொடர்ந்து அனிருத் இசையில் விஜய் பாடியுள்ள இரண்டாவது சிங்கிள் பாடலும் ரசிகர்கள் மத்தியில் அமோக வரவேற்பை பெற்று வருகிறது. இந்நிலையில் ரசிகர்கள் மத்தியில் மிகப்பெரிய எதிர்பார்ப்பினை கிளப்பியுள்ள ‘பீஸ்ட்’ படத்தின் அதிரடியான டிரெய்லர் தற்போது வெளியாகியுள்ளது. அதிரடி ஆக்ஷன் மற்றும் விஜய்யின் ஸ்டைலில் டிரெய்லர் அல்டிமேட்டாக இருப்பதாக ரசிகர்கள் கொண்டாடி வருகின்றனர்.
ஆக்ஷனுக்கு முக்கியத்துவம் கொடுத்து பன், காமெடியுடன் இந்தப்படத்தை இய்க்கியுள்ளதாக அண்மையில் பேட்டி ஒன்றில் தெரிவித்திருந்தார் நெல்சன். அதே போன்று படத்தின் டிரெய்லர் செம மாஸாக உள்ளதாக ரசிகர்கள் கொண்டாடி வருகின்றனர். ‘பீஸ்ட்’ படம் ஏப்ரல் 13 ஆம் தேதி திரையரங்குகளில் வெளியாக உள்ளது குறிப்பிடத்தக்கது.
நெல்சனை விளாசும் விஜய் ரசிகர்கள் – என்ன காரணம் தெரியுமா?
அடுத்த செய்திதனுஷுக்கு போட்டியாக களமிறங்கும் செல்வராகவன்: ஷாக்கான ரசிகர்கள்..!