மும்பை,
15-வது ஐபிஎல் சீசன் கடந்த மாதம் 26-ஆம் தேதி தொடங்கி விறுவிறுப்பாக நடைபெற்று வருகிறது.இந்த தொடரில் இன்று நடைபெற்று வரும் போட்டியில் சென்னை சூப்பர் கிங்ஸ் – பஞ்சாப் கிங்ஸ் அணிகள் மோதின
இந்நிலையில் இந்த போட்டிக்கான டாஸ் போடப்பட்டது .இதில் டாஸ் வென்ற சென்னை அணி பந்துவீச்சை தேர்வு செய்தது .அதன்படி பஞ்சாப் அணி முதலில் பேட்டிங் செய்தது
பஞ்சாப் அணி தொடக்கத்தில் 2 விக்கெட்டுகளை இழந்தாலும் , லிவிங்ஸ்டன் சென்னை அணியின் பந்துவீச்சை பவுண்டரி ,சிக்ஸர்க்கு பறக்க விட்டார்.
ஒரு கட்டத்தில் பஞ்சாப் அணி 200 ரன்களுக்கு மேல் குவிக்கும் என எதிர்ப்பார்க்கப்பட்ட நிலையில் அரை சதம் அடித்த,லிவிங்ஸ்டன் 60 ரன்களில் ஆட்டமிழந்தார் .
பின்னனர் வந்த வீரர்கள் அடுத்ததடுத்து ஆட்டமிழந்தனர். இறுதியில் 20 ஓவர்கள் முடிவில் பஞ்சாப் அணி 8 விக்கெட் இழப்பிற்கு 180 ரன்கள் எடுத்தது .
சென்னை அணி சார்பில் பிரிட்டோரியஸ் ,ஜோர்டன் ஆகியோர் தலா 2 விக்கெட்டுகள் வீழ்த்தினர்.
இதனை தொடர்ந்து 181 ரன்கள் எடுத்தால் வெற்றி என்ற இலக்குடன் களமிறங்கிய சென்னை அணி தொடக்கத்திலே விக்கெட்டுகளை பறிகொடுத்தது . 36 ரன்களுக்குள் 5 விக்கெட்டுகளை இழந்தது. ருதுராஜ் ,உத்தப்பா ,மொயின் அலி ,ஜடேஜா ,ராயுடு ஆகியோர் அடுத்தடுத்து ஆட்டமிழந்து ஏமாற்றம் அளித்தனர் .
சென்னை அணியில் சிவம் துபே மட்டும் அதிரடியாக விளையாடி ரன்களை குவித்தார் .அவர் அரைசதம் அடித்து 30 பந்துகளில் 57 ரன்கள் எடுத்து ஆட்டமிழந்தார் .
பின்னர் வந்த வீரர்களும் அடுத்தடுத்து ஆட்டமிழந்ததால் சென்னை அணி 18 ஓவர்கள் முடிவில் 10 விக்கெட்டுகளை இழந்து 126 ரன்களுக்கு ஆட்டமிழந்தது.இதனால் 54 ரன்கள் வித்தியாசத்தில் பஞ்சாப் அணி வெற்றி பெற்றது .
இந்த போட்டியில் வென்ற பஞ்சாப் அணிக்கு இது 2வது வெற்றி ஆகும் . சென்னை அணிக்கு இது 3-வது தோல்வி ஆகும் .