பாகிஸ்தான்
அரசியலில் பெரும் குழப்பம் நிலவுகிறது. பிரதமர்
இம்ரான் கான்
கடந்த பிப்ரவரி மாதம் ரஷ்யாவுக்குப் பயணம் மேற்கொண்ட பிறகுதான் ஆரம்பித்தது. உக்ரைனுடன்,
ரஷ்யா
போரில் குதிக்கும் என்ற எதிர்பார்ப்பு அப்போது நிலவியது. ரஷ்யாவுக்கு யாரும் போகக் கூடாது, யாரும் ரஷ்யாவுடன் பேசக் கூடாது, தொடர்புகளைத் துண்டிக்க வேண்டும் என்று “உலக நாட்டாமை”
அமெரிக்கா
கூறி வந்தது.
ஆனால் அந்த சமயத்தில்தான் இம்ரான் கான் ரஷ்யாவுக்குப் பயணம் மேற்கொண்டார். இந்த பயணத்தை இம்ரான் கான் ரத்து செய்ய வேண்டும் என்று அமெரிக்கா கூறி வந்தது. ஆனால் இம்ரான் கான் அந்தப் பயணத்தை ரத்து செய்யவில்லை. மாறாக மாஸ்கோ சென்றார். இது அமெரிக்காவை அதிருப்திக்குள்ளாக்கியது.
இம்ரான் கானின் இந்த செயலால் அதிருப்தியில் இருந்து வருகிறது அமெரிக்கா. இந்த நிலையில்தான் பாகிஸ்தான் எதிர்க்கட்சிகள், இம்ரான் கானுக்கு எதிராக நாடாளுமன்றத்தில் நம்பிக்கை இல்லாத் தீர்மானத்தைக் கொண்டு வந்தன. ஆளும் கூட்டணியிலும் பிளவு ஏற்பட்டு ஒரு கட்சி பிரிந்து சென்று எதிர்க்கட்சி வரிசையில் இணைந்தது. இதனால் இம்ரான் கான் அரசு பெரும்பான்மை பலத்தை இழந்தது.
“இந்தியாவுடனான பிரச்சினைகள்”.. பாக். ராணுவத் தளபதிக்கு என்னாச்சு?.. “நாதஸ்” திருந்திட்டாரா!!
இந்த நிலையில் நம்பிக்கை இல்லாத் தீர்மானம் மீதான வாக்கெடுப்பு நாடாளுமன்றத்தில் நடந்தது. அதில் தீர்மானம் தோற்கடிக்கப்பட்டது. இதைத் தொடர்ந்து நாடாளுமன்றத்தைக் கலைக்குமாறும், நாடாளுமன்றத் தேர்தலை நடத்தும்படியும் அதிபரை கேட்டுக் கொண்டார் இம்ரான் கான். அதன்படி நாடாளுமன்றம் கலைக்கப்பட்டு விட்டது. இடைக்கால பிரதமர் நியமிக்கப்படவுள்ளார். விரைவில் தேர்தலும் நடைபெறவுள்ளது.
இந்த நிலையில் இம்ரான் கான் அரசுக்கு எதிரான நடவடிக்கைகள் அனைத்திலும் அமெரிக்காவின் தலையீடு இருப்பதாக ரஷ்யா குற்றம்சாட்டியுள்ளது. தனது கோரிக்கையையும் மீறி இம்ரான் கான் ரஷ்யாவுக்கு வந்து போனதால் இம்ரான் கானை தண்டிக்கிறது அமெரிக்கா என்றும் ரஷ்யா கூறியுள்ளது.
50 லட்சம் சொத்து, 10 பவுன் நகை.. அம்புட்டும் ராகுல் காந்திக்கே.. அசர வைத்த புஷ்பா!
இதுகுறித்து ரஷ்ய வெளியுறவு அமைச்சக அதிகாரி ஒருவர் கூறுகையில், இம்ரான் கான் ரஷ்ய பயணத்தை ரத்து செய்யவில்லை. இதனால் அவரை தண்டிக்கிறது அமெரிக்கா என்று கூறினார்.
முன்னதாக இம்ரான் கான் நாட்டு மக்களுக்கு ஆற்றிய உரையிலும் வலுவான வெளிநாடு ஒன்று இருப்பதாக இம்ரான் கான் மறைமுகமாக குற்றம் சாட்டியிருந்தார். அவர் குற்றம் சாட்டிய நாடு அமெரிக்காதான் என்று பலரும் கூறி வந்தனர். இந்த நிலையில் தற்போது ரஷ்யாவே அதை சுட்டிக் காட்டியுள்ளது.
உலகமே சிரிக்கிறது – எதிர்க்கட்சிகள்
இதற்கிடையே, பாகிஸ்தானைப் பார்த்து உலகமே சிரிப்பதாக பாகிஸ்தான் முஸ்லீம் லீக் கட்சியின் நவாஸ் ஷெரீப் பிரிவு தலைவர் அசன் இக்பால் கூறியுள்ளார். இதுகுறித்து அவர் கூறுகையில், உலகமே பாகிஸ்தானைப் பார்த்து சிரிக்கிறது. கடைசி பந்து வரை விடாமல் போராடுவேன் என்று கூறியவர் இப்போது விக்கெட்டைப் பறி கொடுத்து விட்டு ஓடி விட்டார். பாகிஸ்தான் அரசின் நிர்வாக சீரழிவைப் பார்த்து உலகமே கேலி செய்கிறது.
அரசியல் புரட்சியைத் தடுக்க கோர்ட் வலுவான நடவடிக்கை எடுக்க வேண்டும். இல்லாவிட்டால் அரசியல் சாசனமே கேள்விக்குளியாகி விடும். எதிர்காலத்தில், ஹிட்லர் போன்ற சர்வாதிகாரியின் வசம் நாடு சிக்கி விடும் அபாயம் உள்ளது என்றார் அவர்.
அடுத்த செய்திஇலங்கையில் “டிராமா” ஆரம்பம்.. தம்பி பசில் ராஜபக்சேவை டிஸ்மிஸ் செய்தார் கோத்தபயா!