"அத்தை மகள் தமிழ்.. ஆசைக்கு ஆங்கிலம்".. அடுத்து எச். ராஜா சொன்ன வார்த்தை!

திமுக
உத்தரப் பிரதேசத்தில் தேர்தலில் போட்டியிடப் போவதாக வந்த செய்தியை வைத்து ஒரு டிவீட் போட்டுள்ளார் எச். ராஜா.

2024ம் ஆண்டு லோக்சபா தேர்தல் நடைபெறவுள்ளது. இந்தத் தேர்தலில் மாபெரும் வெற்றியை ஈட்டி மீண்டும் ஆட்சியில் தொடர
பாஜக
ஆர்வம் காட்டி வருகிறது. அதற்கான முஸ்தீபுகளை இப்போதே தொடங்கி விட்டது. ஒரே நாடு ஒரே தேர்தல் என்ற முழக்கத்தையும் கையில் எடுத்துள்ளது.

இந்த நிலையில் ஒரு நாளிதழில் ஒரு செய்தி வந்துள்ளது. அந்த செய்தியில், லோக்சபா தேர்தலில் உத்தரப் பிரதேசத்தில் திமுக போட்டியிடப் போகிறது என்று கூறப்பட்டுள்ளது. சமாஜ்வாதி கட்சி, திரினமூல் காங்கிரஸ், ஆகிய கட்சிகளுடன் கூட்டணி அமைத்து திமுக போட்டியிடப் போவதாகவும், உ.பியில் 25 தொகுதிகளில் அது போட்டியிடப் போவதாகவும் அந்த செய்தி கூறுகிறது. அதேபோல மேற்கு வங்காளத்தில் 12 தொகுதிகளிலும், பீகாரில் 15 தொகுதிகளிலும் திமுக போட்டியிடும் என்று அந்த செய்தியில் கூறப்பட்டுள்ளது.

பதிலுக்கு தமிழகத்தில் சமாஜ்வாதி மற்றும் திரினமூல் காங்கிரஸுக்கு சீட் கொடுக்கவும் திமுக திட்டமிட்டிருப்பதாகவும் அந்த செய்தியில் சொல்லப்பட்டுள்ளது. இதெல்லாம் உண்மையா பொய்யா என்று தெரியவில்லை. அதை விட திமுகவுக்கு உ.பியில் 25 சீட்டை சமாஜ்வாதி ஒதுக்கும் என்பதே மிகப் பெரிய காமெடி என்று அரசியல் புரிந்தவர்கள் சொல்வார்கள். ஏன், திமுகவே கூட இதை நம்ப வாய்ப்பில்லை

“80ஸ் கிட்ஸ்” பாஜக.. “2கே கிட்ஸ்” வரை ஊடுறுவியது எப்படி.. செம வளர்ச்சி!

இந்த நிலையில் இந்த செய்திக்கு எச். ராஜா ஒரு ரியாக்ஷன் கொடுத்துள்ளார். அதில், ரொம்ப சந்தோஷம். 1965 ல திமுக போட்ட கோஷம் அத்தை மகள் தமிழ் இருக்க, ஆசைக்கு ஓர் ஆங்கிலமிருக்க, தே. .. .. இந்தி எதற்கு என்பதை இந்தியில் பதாகையாக எல்லா மாநிலத்திலும் வைச்சுடுவோம். கூட சேந்தவன்களும் கோவிந்தா என்று அதிரடி காட்டியுள்ளார் எச். ராஜா.