டாடா குழுமத்தின் மிகவும் எதிர்பார்க்கப்பட்ட முதல் செயலியான Tata Neu இறுதியாக அறிமுகப்படுத்தப்பட்டது. இது ஒரு சூப்பர் ஆப் போல வேலை செய்யும். இந்த ஒற்றை செயலியில், பயனர்கள் மளிகை பொருள்கள், மின்னணு சாதனங்கள், உணவு விநியோகம், ஹோட்டல், விமான முன்பதிவு ஆகியவற்றை பதிவு செய்ய முடியும்.
Tata Digital நிறுவனம் கடந்த பல மாதங்களாக இந்த செயலியின் வடிவமைப்பில் அதிகம் கவனம் செலுத்தி வருகிறது. இந்த சூப்பர் ஆப் மூலம், பணப் பரிமாற்றம் தொடங்கி டிக்கெட்டிங் வரை அனைத்து விதமான ஆன்லைன் செயல்பாடுகளில் கால் பதித்துள்ளது.
இந்த செயலியின் கூடுதல் சிறப்பு என்னவென்றால், ஐபிஎல் 2022 போட்டிக்கான டிக்கெட்டுகளையும் நிறுவனம் பயனர்களுக்கு இலவசமாக வழங்குகிறது. டாடா நியூ செயலி மூலம் என்னவெல்லாம் செய்யலாம் என்பதை விரிவாகக் காணலாம்.
அனைத்து கட்டணங்களுக்கும் ஒரு பயன்பாடு
இந்த செயலியில் நிறுவனம் டாடா பே யூபிஐ சேவையை வழங்குகிறது. இதன் மூலம் நீங்கள் மொபைல் ரீசார்ஜ், பிராட்பேண்ட், மின்சாரம், எரிவாயு, லேண்ட்லைன் கட்டணங்கள், டிடிஎச் சந்தா ஆகியவற்றைச் செலுத்தலாம். Tata Pay நேரடியாக PhonePe, Google Pay, Paytm போன்ற முன்னணி சூப்பர் செயலிகளுடன் நேரடியாக போட்டியிடுகிறது.
கூகுள் மேப்ஸ் அப்டேட்: இனி உங்கள் பயணம் சுகமாகும்!
முதலீடுகளை எளிதாக்கிய டாடா
Tata Neu செயலி பயனர்களுக்கு முதலீடு மற்றும் நிதி சேவைகளையும் வழங்குகிறது. உடனடி தனிநபர் கடன், அட்வான்ஸ் பேமென்ட், டிஜிட்டல் தங்கம், காப்பீடு உள்ளிட்ட பல அம்சங்களை இந்த ஆப் கொண்டுள்ளது. கூடுதலாக, இது வீட்டு பாதுகாப்பு மற்றும் பாதுகாப்பான ஆன்லைன் கார்டு பரிவர்த்தனைகள் போன்ற வசதிகளையும் வழங்குகிறது.
உணவையும் ஆர்டர் செய்யலாம்
டாடாவின் புதிய நியூ சூப்பர் ஆப் மூலம் உணவு விநியோக சேவைகளும் பயனர்களுக்குக் கிடைக்கிறது. தாஜ் போன்ற ஸ்டார் ஹோட்டல் முதற்கொண்டு கையேந்தி பவன் வரை அனைத்தை ஆர்டர் செய்து நீங்கள் ருசிக்கலாம். தற்போது குறிப்பிட்ட உணவகங்கள் மட்டுமே பட்டியலிடப்பட்டுள்ளது. இன்னும் சில நாள்களில் நிறுவனம் உணவு நீட்டிக்க முடிவு செய்துள்ளது.
எலான் மஸ்க் மருந்து வேலை செய்கிறது! அம்சமான ஆப்ஷன்களை அறிமுகம் செய்யும் ட்விட்டர்!
Neu காயின்ஸ்
Tata Neu செயலியில் Neu காயின்ஸ் இடம்பெற்றுள்ளன. இந்த டிஜிட்டல் நாணயங்கள் மூலம், பயனர்கள் ஆப்ஸிலும், ஆஃப்லைனிலும் டாடா குழும கடைகளில் ஷாப்பிங் செய்யலாம். ஸ்டார்பக்ஸ் காபி பில்லையும் இந்த செயலியின் வாயிலாக செலுத்தலாம்.
மேலும், ஏர் ஏசியா விமானங்களை முன்பதிவு செய்யவும், பிக் பாஸ்கெட், குரோமா, டாடா கிளிக், வெஸ்ட்சைட், டாடா 1mg ஆகியவற்றிலிருந்து ஆர்டர் செய்யவும் ரூ.1 மதிப்புள்ள இந்த நாணயங்களைப் பயன்படுத்தலாம். அதாவது உங்களுக்கு கிடைக்கும் ஒவ்வொரு நியூ காயின்ஸும் ஒரு ரூபாய்க்கு சமம் என்பதை மறந்துவிட வேண்டாம்.
வாட்ஸ்அப் அறிமுகம் செய்துள்ள 6 புதிய அம்சங்கள்!
ஐபிஎல்லை இலவசமாகப் பாருங்கள்
ஐபிஎல் 2022 இன் ஸ்பான்சர் டாடா என்பது நீங்கள் அறிந்தது தான். எனவே நிறுவனம் பயனர்களுக்கு ஐபிஎல் போட்டிகளைப் பார்க்க இலவச டிக்கெட்டுகளை வெல்லும் வாய்ப்பை வழங்குகிறது. போட்டியை இலவசமாகப் பார்க்க, நீங்கள் டாடா நியூவின் இன்ஸ்டாகிராம் பக்கத்திற்குச் சென்று நியூ வினாடி வினா போட்டியில் பங்கேற்று பதிலளிக்க வேண்டும். சரியாக பதிலளிக்கும் பயனர்களுக்கு போட்டி டிக்கெட்டுகள் இலவசமாக அளிக்கப்படுகிறது.