உக்ரைன் நாட்டு மக்களின் தைரியத்தை பாராட்டுவதாக தெரிவித்த அந்நாட்டு ஜனாதிபதி வோலோடிமிர் ஜெலென்ஸ்கி, இது உலகம் முழுவதும் பரவ வேண்டும் எனவும் தெரிவித்துள்ளார்.
நாட்டு மக்களுக்கு நேற்றிரவு உரையாற்றிய அவர் இதனை கூறியுள்ளார்.
“உக்ரைனியர்களாகிய எங்களிடம் உள்ள தைரியத்தில் உலகில் உள்ள அனைவருக்கும் குறைந்தது 10 வீதம் இருந்தால், சர்வதேச சட்டத்திற்கு எந்த ஆபத்தும் இருக்காது.
நாடுகளின் சுதந்திரத்திற்கு எந்த ஆபத்தும் இருக்காது. நாங்கள் எங்கள் தைரியத்தை உலக நாடுகளுக்கு பரப்புவோம்,” என்று அவர் தெரிவித்துள்ளார்.
“தைரியமாக இருப்பது எங்கள் அடையாளம்” என்று அவர் மேலும் கூறினார், அதே நேரத்தில் ரஷ்யா மீது தைரியமான பொருளாதாரத் தடைகளை விதிக்க உலக நாடுகளுக்கு அழைப்பு விடுத்தார்.
“ரஷ்யாவிற்கு எதிராக இருக்கும் எல்லாவற்றிலும் வலுவான தடை” ரஷ்யாவிற்கு எதிராக பயன்படுத்த அதிக ஆயுதங்கள் ஏற்றுமதி ஆகும் என்றும் அவர் கூறினார்.
ஐ.நா மனித உரிமைகள் பேரவையில் இருந்து ரஷ்யா இடைநிறுத்தப்பட்டதாக வெளியான செய்தி குறித்தும் அவர் கருத்து தெரிவித்துள்ளார்.
“ரஷ்யா நீண்ட காலமாக மனித உரிமைகள் கருத்துடன் எந்த தொடர்பும் கொண்டிருக்கவில்லை. ஒருவேளை ஒரு நாள் இது மாறும்,” என்று அவர் சுட்டிக்காட்டியுள்ளார்.
“ஆனால் இதுவரை ரஷ்ய அரசும் ரஷ்ய இராணுவமும் இந்த கிரகத்தில் சுதந்திரம், மனித பாதுகாப்பு, மனித உரிமைகள் என்ற கருத்துக்கு மிகப்பெரிய அச்சுறுத்தலாக உள்ளன” என அவர் மேலும் தெரிவித்துள்ளார்.