பீஸ்ட், கேஜிஎப்-2 படங்களுக்கு எவ்வளவு தியேட்டர்கள் ஒதுக்கீடு
நடிகர் விஜய் நடித்துள்ள பீஸ்ட் திரைப்படம் வருகின்ற ஏப்ரல் 13 ஆம் தேதி திரையரங்கில் வெளியாக உள்ளது. அடுத்த நாளான ஏப்ரல் 14 ஆம் தேதி கன்னட நடிகர் யஷ் நடித்துள்ள கேஜிஎப்-2 படம் வெளியாகிறது. இந்த இரண்டு படங்களுக்கான திரையரங்குகள் ஒதுக்கீடு செய்யும் பணிகள் தற்போது நடைபெற்று வருகிறது . ஏப்ரல் 13ம் தேதி வெளியாகும் பீஸ்ட் திரைப்படத்திற்கு 800 திரையரங்குகளும், 14ல் வெளியாகவுள்ள கேஜிஎப்-2 திரைப்படத்திற்கு 250 திரையரங்குகள் ஒதுக்கப்பட உள்ளதாக திரையரங்கு உரிமையாளர்கள் சங்க தலைவர் திருப்பூர் சுப்பிரமணியன் கூறியுள்ளார். பீஸ்ட் படத்தால் கேஜிஎப்-2க்கு குறைவான திரையரங்குகளே கிடைத்துள்ளது .