ஒன்பிளஸ் நிறுவனம் இந்திய சந்தையில் பெரிதும் எதிர்பார்க்கப்பட்ட புதிய Y1 தொடர் ஸ்மார்ட் டிவியை அறிமுகம் செய்துள்ளது.
OnePlus TV Y1S Pro
ஆனது பழைய Y1S டிவியுடன் ஒப்பிடும்போது மேம்படுத்தப்பட்ட காட்சி அமைப்புடன் வருகிறது. 4K டிஸ்ப்ளே கொண்ட
OnePlus TV
Y1S ப்ரோ ஸ்மார்ட் டிவியில் 24 வாட் ஸ்பீக்கர்கள், ஆண்ட்ராய்டு 10 இயங்குதளம், 2 ஜிபி ரேம் என பல சிறப்பான அம்சங்கள் உள்ளன.
பட்ஜெட் விலையில் கிடைக்கும் சிறந்த 4K டிவி வரிசையில் தற்போது ஒன்பிளஸ் இடம்பிடித்துள்ளது. திறன்வாய்ந்த அம்சங்களுடன் அறிமுகம் செய்யப்பட்டிருக்கும்
OnePlus
TV Y1S Pro ஸ்மார்ட் டிவியின் விலை மற்றும் விவரக்குறிப்புகள் குறித்து விரிவாக அறிந்து கொள்வோம்.
OnePlus TV Y1S Pro விலை மற்றும் சலுகைகள்
OnePlus TV Y1S Pro ஆனது இந்திய சந்தையில் ரூ.29,999 விலையில் அறிமுகம் செய்யப்பட்டுள்ளது. ஸ்மார்ட் டிவியை Amazon India, OnePlus இன் அதிகாரப்பூர்வ இணையதளம், முக்கிய சில்லறை விற்பனைக் கடைகள் மூலம் வாங்கலாம். அமேசானில் இருந்து டிவி வாங்கும்போது எஸ்பிஐ வங்கியின் கிரெடிட் கார்டைப் பயன்படுத்தினால் ரூ.2,500 வரை தள்ளுபடியும் பெறலாம்.
டாடாவின் ‘நியூ’ சூப்பர் ஆப் அறிமுகம் – போட்டி ஆப்ஸ்களுக்கு ஷாக் அளிக்கும் வகையில் ஆஃபர்கள்!
ஒன்பிளஸ் டிவி ஒய்1எஸ் ப்ரோ அம்சங்கள் (OnePlus TV Y1S Pro Specs)
OnePlus TV Y1S Pro ஆனது 43 இன்ச் 4K டிஸ்ப்ளே மற்றும் HDR10+ ஆதரவுடன் வருகிறது. திரையின் நான்கு பக்கங்களிலும் மெல்லிய பெசல்கள் உள்ளன. MEMC, உள்ளடக்க ஆதரவு, மில்லியன் கலர் காம்பினேஷன் ஆகியவற்றுடன் செயற்கை நுண்ணறிவு இணைந்து, டிவியில் தோன்றும் காட்சிகளை மெருகேற்றி பார்வையாளர்களுக்கு தருகின்றன. இது டால்பி ஆடியோ ஆதரவுடன் 24 வாட் ஸ்பீக்கர்கள் உள்ளது கூடுதல் அம்சமாகப் பார்க்கப்படுகிறது.
வீட்டிலேயே தியேட்டர் அனுபவம் – Redmi வெளியிட்ட 100 இன்ச் ஸ்மார்ட் டிவி!
புதிய ஒன்பிளஸ் டிவி ஒய்1எஸ் ப்ரோ ஸ்மார்ட் 4K எல்இடி டிவியில், MediaTek MT9216 செயலியுடன் 2GB ரேம், 8GB ஸ்டோரேஜ் மெமரி ஆதரவு உள்ளது. இந்த ஸ்மார்ட் டிவி Google Chromecast ஆதரவுடன் வருகிறது. இதில் ஆண்ட்ராய்டு 10 இயங்குதளம் நிறுவப்பட்டுள்ளது.
அமேசான் பிரைம் வீடியோ, டிஸ்னி + ஹாட்ஸ்டார், நெட்ஃபிக்ஸ் போன்ற ஓடிடி தளங்கள் இந்த டிவியில் நிறுவப்பட்டுள்ளன. ஸ்மார்ட் டிவியை பிற OnePlus சாதனங்களுடன் இணைக்க OnePlus Connect 2.0 வசதி கொடுக்கப்பட்டுள்ளது. டிவியில் புளூடூத் 5.0 ஆதரவு, 1 ஈதர்நெட் போர்ட், 2 HDMI 2.0 போர்ட்கள், 2 USB 2.0 போர்ட்கள், டூயல் பேண்ட் வைஃபை ஆகியவை உள்ளன.