லெனோவா நிறுவனத்தின் மோட்டோரோலா ஸ்மார்ட்போன் பிராண்ட், தனது ஜி தொகுப்பில் புதிய மோட்டோரோலா ஜி22 போனை இந்தியாவில் அறிமுகம் செய்துள்ளது. மலிவு விலை விற்பனைக்குக் கொண்டுவரப்பட்டுள்ள இந்த ஸ்மார்ட்போனில் பல சிறப்பம்சங்கள் நிறைந்துள்ளது.
இந்த ஸ்மார்ட்போனில் 90Hz ஹெர்ட்ஸ் ரெப்ரெஷ் ரேட் கொண்ட டிஸ்ப்ளே, 50 மெகாபிக்சல் முதன்மை சென்சாருடன் கூடிய குவாட் கேமரா, 5000mAh பேட்டரி திறன், 20W டர்போ சார்ஜிங், ஆண்ட்ராய்டு 12 இயங்குதளம் ஆகியன சிறப்பம்சங்களாகப் பார்க்கப்படுகிறது.
மோட்டோ ஜி22 அம்சங்கள் (Moto G22 Specifications)
புதிய ஆண்ட்ராய்டு 12 இயங்குதளம் கொண்டு இந்த ஸ்மார்ட்போன் இயக்கப்படுகிறது. மோட்டோரோலாவின் புதிய ஸ்மார்ட்போனில் 6.5″ அங்குல 90Hz ஹெர்ட்ஸ் ரெப்ரெஷ் ரேட் கொண்ட எல்சிடி பஞ்ச் ஹோல் டாட் டிஸ்ப்ளே கொடுக்கப்பட்டுள்ளது. மலிவு விலை ஸ்மார்ட்போனில் பஞ்ச் ஹோல், ஆண்ட்ராய்டு 12 இயங்குதளம் இருப்பது இதுவே முதல்முறை என்பது குறிப்பிடத்தக்கது.
4ஜிபி ரேம், 64ஜிபி ஸ்டோரேஜ் மெமரி ஆதரவை ஜி22 ஸ்மார்ட்போன் பெறுகிறது. இந்த ஸ்மார்ட்போனில்
Mediatek Helio G37
Processor நிறுவப்பட்டுள்ளது. GE8230 கிராபிக்ஸ் எஞ்சின் இதனுடன் ஒருங்கிணைக்கப்பட்டுள்ளது. புராசஸர் பழையது என்றாலும், விலைக்கேற்ற தரத்துடன் ஸ்மார்ட்போன் வெளியிடப்பட்டுள்ளது.
சூப்பர் 50:50MP கேமரா, 2K ரியாலிட்டி டிஸ்ப்ளே – Realme GT 2 pro அறிமுகம்!
மோட்டோ ஜி22 கேமரா (Moto G22 Camera)
மலிவு விலை மோட்டோ ஜி22 போனில் குவாட் கேமராக்கள் வழங்கப்பட்டுள்ளது. முதன்மை சென்சாராக 50 மெகாபிக்சல் கேமரா, குவாட் பிக்சல் தொழில்நுட்பத்துடன், 8 மெகாபிக்சல் அல்ட்ரா வைட் ஆங்கிள் லென்ஸ், 2 மெகாபிக்சல் டெப்த் சென்சார், 2 மெகாபிக்சல் மேக்ரோ கேமரா ஆகியவை பின்புறத்தில் உள்ளது.
செல்பி மற்றும் வீடியோ அழைப்புகளுக்காக 16 மெகாபிக்சல் f/2.4 கேமரா டிஸ்ப்ளே டாட் நாட்சில் பொருத்தப்பட்டுள்ளது. பேஸ் பியூட்டி போன்ற பல்வேறு அம்சங்களுடன் இந்த ஸ்மார்ட்போனின் கேமரா செயலி உள்ளது.
மோட்டோ ஜி22 பேட்டரி (Moto G22 Battery)
இந்த போனின் பக்கவாட்டில் கைரேகை சென்சார் பொருத்தப்பட்டுள்ளது. சுற்றுப்புற ஒளி, திசைகாட்டி, அக்செலெரோமீட்டர், ப்ராக்ஸிமிட்டி, கைரோஸ்கோப் ஆகிய சென்சார்கள் இந்த ஸ்மார்ட்போனில் கூடுதல் அம்சமாகப் பார்க்கப்படுகிறது.
இந்த ஸ்மார்ட்போன் 5000mAh பேட்டரி கொண்டு சக்தியூட்டப்படுகிறது. இதனை ஊக்குவிக்க 20W பாஸ்ட் சார்ஜர் போனுடன் வழங்கப்படுகிறது. டைப்-சி போர்ட், ப்ளூடூத் 5.0, 3.5mm ஆடியோ ஜாக் போன்ற இணைப்பு ஆதரவுடன் மோட்டோ ஜி22 போன் இருக்கிறது.
மோட்டோ ஜி22 விலை (Moto G22 Price in India)
புதிய மோட்டோ போன், காஸ்மிக் பிளாக், ஐஸ்பெர்க் ப்ளூ ஆகிய இரு வண்னத் தேர்வுகளில் அறிமுகம் செய்யப்பட்டுள்ளது. 4GB RAM + 64GB ஸ்டோரேஜ் மெமரி கொண்ட இந்த ஸ்மார்ட்போன் வேரியன்டின் விலை ரூ.10,999 ஆக நிர்ணயம் செய்யப்பட்டுள்ளது.
ஏப்ரல் 13 ஆம் தேதி இந்த ஸ்மார்ட்போன் இந்தியாவில் Flipkart ஷாப்பிங் தளத்தில் விற்பனைக்குக் கொண்டு வரப்படுகிறது. Flipkart Axis Bank Card வாடிக்கையாளர்களுக்கு கூடுதலாக 5% விழுக்காடு தள்ளுபடி வழங்கப்படுகிறது.
போட்டியாக டெக் சந்தையில் இருக்கும் ஸ்மார்ட்போன்
Snapdragon சிப்செட் உடன் வரும் மலிவு விலை Redmi ஸ்மார்ட்போன்!
புதிய மோட்டோ ஜி22 ஸ்மார்ட்போன் குறித்த உங்கள் கருத்துகளை கீழே பதிவிடவும்