நான் தலைவரின் தீவிர ரசிகன் என்று
தனுஷ்
பலமுறை தெரிவித்துள்ளார். மேலும் தலைவருடன் சேர்ந்து ஒரு படத்திலாவது அல்லது ஒரு காட்சியிலாவது நடிக்க வேண்டும் என்று பலமுறை கூறிவிட்டார். ஆனால் தனுஷின் அந்த ஆசை இன்னும் நிறைவேறியபாடில்லை.
ரஜினியின் மருமகனாக இருந்தபோதே அவருடன் சேர்ந்து நடிக்க முடியவில்லை. இந்நிலையில் ஐஸ்வர்யாவை பிரிந்த பிறகு அந்த ஆசை நிறைவேற வாய்ப்பே இல்லை என்று கூறப்படுகிறது.
ரஜினியுடன் சேர்ந்து நடிக்கத் தான் முடியவில்லை. ஆனால் ரஜினியுடன் சேர்ந்து வேலை செய்ய கிடைத்த வாய்ப்பை பயன்படுத்திக் கொண்டார் தனுஷ்.
பா. ரஞ்சித் இயக்கத்தில் ரஜினி நடித்த காலா படத்தை தனுஷ் தன் வுண்டர்பார் ஃபிலிம்ஸ் நிறுவனம் மூலம் தயாரித்தார். மேலும் கார்த்திக் சுப்புராஜ் இயக்கத்தில் ரஜினி நடித்த பேட்ட படத்தில் வந்த இளமை திரும்புதே பாடலை எழுதியது உங்கள் பொயட்டு தனுஷ் தான்.
ரஜினியுடன் சேர்ந்து நடிக்கத் தான் முடியவில்லை என்று தன் ஆசையை இப்படி நிறைவேற்றிக் கொண்டுவிட்டார். இருப்பினும் என் படத்தில் நடிக்கிறீர்களா என்று ரஜினி கேட்க மாட்டாரா என ஆசையுடன் காத்துக் கொண்டிருக்கிறார் தனுஷ் என்பது குறிப்பிடத்தக்கது.
ரஜினியை வைத்து படம் இயக்கும் ஐடியாவும் தனுஷுக்கு இருக்கிறது.
அக்கா செய்றதையே நானும் செய்யப் போறேன்பா: ரஜினியை அதிர வைத்த சவுந்தர்யா?