ஆபத்தான ஆப்ஸ் – ப்ளே ஸ்டோரில் இருந்து நீக்கிய கூகுள்!

உலகின் மிகப்பெரும் டெக் நிறுவனமான கூகுள் தனது ப்ளே ஸ்டோரில் இருந்து ஆறு செயலிகளை நீக்கி அதிர்ச்சி அளித்துள்ளது. இந்த செயலி மூலம் ஸ்மார்ட்போன்களில் வைரஸ் பரப்பட்டது ஆய்வில் தெரியவந்துள்ளது. இந்த ஆப்ஸ் அனைத்திலும்
SharkBot
பேங்க் ஸ்டீலர் மால்வேர் உள்ளது கண்டறியப்பட்டது.

இந்த மால்வேர் மக்களின் வங்கி தகவல்களை எளிதில் திருடுகிறது. நமக்கு கிடைத்த தகவல்களின்படி, இந்த தீம்பொருள் அடங்கிய செயலிகள் 15 ஆயிரத்துக்கும் அதிகமான முறை பதிவிறக்கம் செய்யப்பட்டுள்ளன. இருப்பினும், இப்போது
Google
இந்த எல்லா செயலிகளையும் Play Store-இல் இருந்து நீக்கியுள்ளது.

எனவே உங்கள் போனில் இந்த ஆப்ஸ் இருந்தால் உடனே அழித்துவிடவும். இந்த செயலிகள் அனைத்தும் இருப்பிடம் சார்ந்து (ஜியோ-பேசிங் அம்சம்) பயனர்களைக் கண்காணித்து வருகின்றன. கண்காணிப்புக்குப் பிறகு, பயனர்களின் தரவுகள் அனைத்தும் ஒவ்வொன்றாக சேகரிக்கப்படுகிறது.

இதில் முக்கியமாக பயனர்களின் பிரவுசர் ஹிஸ்ட்ரி சேமிக்கப்படுகிறது. மேலும், அவர்கள் தட்டச்சு செய்யும் பாஸ்வேர்டுகள் அனைத்து செயலிகள் மற்றும் தளங்களில் இருந்து கவரப்படுகிறது. இதனை சேமிக்கும் தீங்கிழைக்கும் ஆப்ஸ், தங்களின் தனிப்பட்ட சர்வருக்கும் அவற்றை அனுப்புகிறது. இந்த ஆப்ஸ் இத்தாலி, பிரிட்டன் போன்ற நாடுகளின் அதிக மக்களால் பயன்படுத்தப்பட்டுள்ளது.

Alert: இந்த 4 எழுத்துகள் இருந்தால் அலர்ட்! போஸ்புக் மெசஞ்சரில் சுழலும் ஆபத்து!

ஆபத்தான ஆப்ஸ்

பாதுகாப்பு ஆராய்ச்சி நிறுவனமான
CheckPoint
தனது வலைப்பதிவில் இந்தப் பயன்பாடுகள் குறித்த தகவலை வழங்கியுள்ளது. அந்த பதிவில், “இந்தப் பயன்பாடுகள் அனைத்தும் Sharkbot மால்வேரைக் கொண்டிருந்தன. இது “ட்ராப்பர்ஸ்” செயலியை பயனர்களின் ஸ்மார்ட்போன்களில் பதிவிறக்கம் செய்து பயனர்களின் தனிப்பட்ட தகவல்களைத் திருடுகிறது.

பயன்பாடுகள் Zbynek Adamcik, Adelmio Pagnotto, Bingo Like Inc போன்ற நிறுவனங்களால் உருவாக்கப்பட்டன. பிளே ஸ்டோரில் இருந்து கூகுள் நிறுவனம் இந்த பயன்பாடுகளை நீக்கியிருந்தாலும், இந்த பயன்பாடுகள் இன்னும் பல மூன்றாம் தரப்பு இணையதளங்களில் கிடைக்கிறது.

எஸ்எம்எஸ், ஜாவா குறியீட்டைப் பதிவிறக்குதல், நிறுவல் கோப்பு, உள்ளூர் தரவுத்தளத்தைப் புதுப்பித்தல், பயன்பாட்டை நிறுவல் நீக்குதல், தொடர்பு, பேட்டரி மேம்படுத்துதல் போன்ற தீம்பொருள் பயனர்களிடமிருந்து ஷார்க்போட் 22 வெவ்வேறு அனுமதிகளைப் பெற்றுள்ளது. எனவே இந்த செயலிகளை யாரேனும் பதிவிறக்கம் செய்திருந்தால், உடனடியாக அதனை அழித்துவிடும்படி கூகுள் கேட்டுக்கொண்டுள்ளது.

பாதுகாப்பாக இணையத்தில் உலாவ சிறந்த VPN-கள்?

கூகுள் ப்ளே ஸ்டோரில் இருந்து நீக்கப்பட்ட செயலிகள்

Atom Clean-booster AntivirusAntivirus super cleanerAlpha antivirus cleanerPowerful cleaner antiviruscentre security antivirusCenter Security Antivirus

ஸ்மார்ட்போன் பாதுகாப்பு தோற்றத்தில் இந்த செயலிகள் உலாவியது பெரும் அதிர்ச்சியைக் கிளப்பியுள்ளது. இந்தப் பயன்பாடுகளில் ஏதேனும் ஒன்றை நீங்கள் பயன்படுத்தினால், உடனடியாக அவற்றை நீக்கவும். ஏனெனில், அது உங்கள் வங்கிக் கணக்கில் இருக்கும் மொத்த பணத்தையும் திருட வாய்ப்புள்ளது. ஹேக்கர்கள் உங்களின் தனிப்பட்ட தரவை திருடி உங்கள் வங்கிக் கணக்கிலிருந்து பணத்தை எடுக்கிறார்கள். எனவே உங்கள் போனில் இந்த ஆப்ஸ் இருந்தால் உடனே டெலிட் செய்துவிடவும்.