கோலிவுட் வட்டாராமே எதிர்பார்த்து கொண்டிருந்த விஜய்யின் ‘
பீஸ்ட்
‘ பட டிரெய்லர் கடந்த சனிக்கிழமை மாலை வெளியானது. ‘மாஸ்டர்’ படத்தின் வெற்றியை தொடர்ந்து தற்போது இந்தப்படத்தில் நடித்து முடித்துள்ளார்
விஜய்
. இந்தப்படத்தின் ரிலீசுக்காக வெறித்தனமாக காத்து கொண்டிருக்கின்றனர் ரசிகர்கள்.
சன் பிக்சர்ஸ் தயாரித்துள்ள ‘பீஸ்ட்’ படத்தில் விஜய்க்கு ஜோடியாக பூஜா ஹெக்டே நடித்துள்ளார். கோலமாவு கோகிலா, டாக்டர் படங்களை தொடர்ந்து விஜய் நடிப்பில் ‘பீஸ்ட்’ படத்தை இயக்கியுள்ளார் நெல்சன் திலீப்குமார்.இந்தப்படத்தில் மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்டோர் நடித்துள்ளனர்.
‘பீஸ்ட்’ படத்தை முடித்துவிட்டு தெலுங்கு இயக்குனர் வம்சி பைடிபல்லி, ஸ்ரீ வெங்கடேஸ்வரா கிரியேஷன்ஸ் தயாரிப்பில் விஜய்யின் 66-வது படம் உருவாக்கப்போவதாக அதிகாரப்பூர்வமான அறிவிப்பு வெளியானது. கடந்த சில தினங்களுக்கு முன்பாக பூஜையுடன் இந்தப்படத்தின் படப்பிடிப்பு துவங்கியது. இந்தப்படத்தில் ராஷ்மிகா மந்தனா கதாநாயகியாகவும், தமன் இசையமைப்பாளராகவும் பணிபுரிய உள்ளனர்.
மது விருந்தில் நடந்த சம்பவம்: கமல் குறித்து தாடி பாலாஜி மனைவி பகீர் தகவல்..!
‘
தளபதி 66
‘ படத்தில் இயக்குனர்
ராஜு முருகன்
வசன எழுத்தாளராக பணியாற்ற உள்ளதாக தகவல்கள் வெளியானது. இவர் குக்கூ, ஜோக்கர், ஜிப்ஸி உள்ளிட்ட படங்களை இயக்கியுள்ளார். அண்மையில் வெளியான ‘ஜெய் பீம்’ படத்தில் ‘தல கோதும் பூங்காத்து’ என்ற பாடலையும் எழுதியிருந்தார். மேலும், வம்சியின் ‘தோழா’ படத்திலும் இவர் பணிபுரிந்து உள்ளார்.
இந்நிலையில் ராஜு முருகன், நடிகர் கார்த்திக் நடிப்பில் புதிய படம் ஒன்றை இயக்கவிருப்பதால் ‘தளபதி 66’ படத்திலிருந்து விலகியுள்ளார். இவருக்கு பதிலாக தற்போது பாடலாசிரியர் விவேக் ஒப்பந்தம் செய்யப்பட்டுள்ளார். ‘தளபதி 66’ படத்திலிருந்து ராஜு முருகன் விலகியுள்ளது ரசிகர்கள் மத்தியில் சோகத்தை ஏற்படுத்தியுள்ளது.
“பீஸ்ட்” டிரைலருக்கே இப்படியா? அதிர்ச்சியில் உரிமையாளர்!