பெண்களுக்கான ஸ்பெஷல் போன் – வெளியிட காத்திருக்கும் சியோமி

Xiaomi தற்போது அதன் புதிய ஸ்மார்ட்போனான
Xiaomi CIVI S
தயாரிப்பு பணிகளில் ஈடுபட்டுவருகிறது. CIVI S-இன் வெளியீட்டு தேதி குறித்து இன்னும் எந்த தகவலும் வெளியாகவில்லை. இது கடந்த ஆண்டு அறிமுகப்படுத்தப்பட்ட
Xiaomi CIVI
ஸ்மார்ட்போனின் மேம்படுத்தப்பட்ட பதிப்பாக இருக்கும்.

பெண்களை கவரும் வகையில் பிரத்யேக வடிவமைப்ப்பு, நிறங்களைக் கொண்டிருக்கும் இந்த ஸ்மார்ட்போனின் முந்தைய பதிப்பு இந்தியாவில் வெளியாகவில்லை. தற்போது இதன் மேம்பட்ட பதிப்பு CIVI S அல்லது CIVI 2 என்ற பெயருடன் வெளியாகலாம் என எதிர்பார்க்கப்படுகிறது.

இதற்கிடையில், வெளியாக இருக்கும் இந்த ஸ்மார்ட்போன் குறித்த சில தகவல்கள் இணையத்தில் கசிந்துள்ளது. கசிந்துள்ள தகவல்களின்படி, ஸ்மார்ட்போன் 6.55″ இன்ச் முழு HD பிளஸ் AMOLED தொடுதிரையைக் கொண்டிருக்கும். இந்த டிஸ்ப்ளே வளைந்த எட்ஜ் உடன் வருகிறது. LTPO தொழில்நுட்பம் கொண்டிருக்கும் இந்த டிஸ்ப்ளே, 120Hz ரெப்ரெஷ் ரேட் உடன் வரலாம்.

மலிவு விலை மோட்டோ போன் – ஆனா எந்த போனிலும் இல்லாத ஒரு ஸ்பெஷல் அம்சம் இருக்கு!

சியோமி சிவி 2 ஸ்மார்ட்போன் சிறப்பம்சங்கள்

இந்த போன் இரண்டு வேரியண்டுகளில் வெளியாகலாம் என எதிர்பார்க்கப்படுகிறது. 8GB + 128GB, 12GB + 256GB ஆகிய மெமரி தேர்வுகளுடன் வரலாம். இந்த போனில் திறன்வாய்ந்த 4nm நானோமீட்டர் கட்டமைப்பு கொண்ட
Snapdragon 778G Plus
புராசஸர் நிறுவப்படலாம். இது சந்தையில் இருக்கும் 7 சீரிஸ் ஸ்னாப்டிராகன் புராசஸர்களில் சக்திவாய்ந்ததாகும்.

சியோமி சிவி 2 ஸ்மார்ட்போனின் கேமராவைப் பொருத்தவரை, பின்பக்கம் மூன்று கேமரா, LED ஃபிளாஷ் கொண்ட அமைப்புக் கொடுக்கப்படலாம். இதில் முதன்மை சென்சாராக 64MP மெகாபிக்சல் கேமரா, 8MP மெகாபிக்சல் அல்ட்ரா-வைட் ஆங்கிள் கேமரா, 2MP மெகாபிக்சல் B&W கேமராவுடன் வருகிறது.

அதே நேரத்தில், 32MP மெகாபிக்சல் செல்பி கேமரா கொடுக்கப்படலாம். புதிய சியோமி ஸ்மார்ட்போனை 4500mAh திறன் கொண்ட பேட்டரி சக்தியூட்டும். 67W வேகமான சார்ஜிங் ஆதரவை இந்த ஸ்மார்ட்போன் பெறுகிறது. ஆனால், போனுடன் சார்ஜர் கொடுக்கப்படுமா என்ற தகவலை உறுதிபடுத்த முடியவில்லை. வெள்ளை, இளஞ்சிவப்பு, பிங்க் ஆகிய மூன்று வண்ணத் தேர்வுகளில் இந்த ஸ்மார்ட்போன் விற்பனைக்குக் கொண்டு வரப்படலாம் என எதிர்பார்க்கப்படுகிறது.

ஏசி முதல் டைனிங் டேபிள் வரை… மலிவு விலையில் மாதத் தவணை!

சியோமி சிவி சிறப்பம்சங்கள்

முந்தைய வெளியீடான Xiaomi CIVI ஸ்மார்ட்போனிலும் 6.55 இன்ச் AMOLED டிஸ்ப்ளே கொடுக்கப்பட்டிருந்தது. 120Hz ரெப்ரெஷ் ரேட் ஆதரவை இது கொண்டிருந்தது. இந்த ஸ்மார்ட்போன் Qualcomm Snapdragon 778G சிப்செட் கொண்டு இயக்கப்பட்டது.

இது 12GB LPDDR4x ரேம் உடன் வருகிறது. Xiaomi CIVI இன் கேமரா அமைப்பைப் பொருத்தவரை, பின்புற பேனலில் 64 மெகாபிக்சல் முதன்மை கேமரா உள்ளது, ஒரு அல்ட்ரா வைட் ஆங்கிள் லென்ஸ், 2 மெகாபிக்சல் மேக்ரோ கேமரா கொடுக்கப்பட்டிருந்தது. செல்பி எடுக்க 32 மெகாபிக்சல் கேமரா வழங்கப்பட்டிருந்தது.