நெல்சன் திலீப்குமார்
இயக்கத்தில்
விஜய்
நடித்திருக்கும்
பீஸ்ட்
படம் ஏப்ரல் 13ம் தேதி ரிலீஸாகவிருக்கிறது. பீஸ்ட் படத்தை முதல் நாளே பார்த்துவிடும் ஆசையில் பலரும் டிக்கெட் எடுத்திருக்கிறார்கள்.
நான் பீஸ்ட் படத்தின் முதல்நாள் முதல் காட்சியை பார்க்கப் போகிறேனே என்று ரசிகர்கள் சமூக வலைதளங்களில் தெரிவிப்பதை பார்க்க முடிகிறது.
புதன்கிழமை படம் ரிலீஸாவதால் கல்லூரிகளுக்கு செல்பவர்களும், அலுவலகங்களுக்கு செல்பவர்களும் மாத்தி யோசிக்க ஆரம்பித்துவிட்டார்கள். அதாவது பீஸ்ட் பார்க்க டிக்கெட்டை எடுத்து வைத்துவிட்டு, ஏப்ரல் 13ம் தேதி அன்று ஏதாவது பொய் சொல்லி லீவு போட முடிவு செய்திருக்கிறார்கள்.
Vijay:விஜய் ‘ஒரு மாதிரி’னு செல்வராகவன் சொன்னது சரியா தான் இருக்கு
சில தைரியசாலிகளோ, உண்மையை சொல்லி லீவு கேட்டிருக்கிறார்கள். இந்நிலையில் தான் தனியார் நிறுவனம் ஒன்றின் ஊழியர்கள் பலர் பீஸ்ட் படத்தை முதல் நாளே பார்த்தாக வேண்டும் என்று டிக்கெட் எடுத்திருக்கிறார்கள்.
இதையடுத்து பீஸ்ட் படம் பார்க்க அவர்களுக்கு அரைநாள் விடுமுறை வழங்கி அதிரடியாக அறிவிப்பு வெளியிட்டுள்ளது அந்நிறுவனம்.
அந்த அறிவிப்பை பார்த்த விஜய் ரசிகர்கள் பாராட்டுகிறார்கள். கம்பெனினா இப்படி இருக்கணும், பீஸ்ட் பார்க்க லீவுலாம் கொடுக்கிறாங்க. நமக்கும் தான் வாய்ச்சிருக்கே என்று விஜய் ரசிகர்கள் சிலர் புலம்பவும் செய்கிறார்கள்.