அஜித் ரசிகர்களின் மிக நீண்ட எதிர்பார்ப்பிற்கு மத்தியில் வெளியான ‘
வலிமை
‘ படம் எதிர்பார்த்த வெற்றியை பெறவில்லை. இதனை தொடர்ந்து மூன்றாவது முறையாக எச்.வினோத் இயக்கத்தில் அஜித் நடிக்கும் படத்திற்கு நம்பிக்கையுடன் காத்திருக்கின்றனர் ரசிகர்கள். அஜித், வினோத்,
போனி கபூர்
கூட்டணியில் கடந்த 2019 ஆம் ஆண்டு வெளியான நேர்கொண்ட பார்வை படம் மாபெரும் வரவேற்பை பெற்றது.
அதனை தொடர்ந்து இரண்டாவது முறையாக கிட்டத்தட்ட மூன்றாண்டுகள் கழித்து அதே கூட்டணியில் கடந்த பிப்ரவரி மாதம் ‘வலிமை’ படம் வெளியானது. இந்தப்படம் வசூலில் சக்கை போடு போட்டாலும், ரசிகர்களின் எதிர்பார்ப்பினை முழுவதுமாக பூர்த்தி செய்யவில்லை. மேலும் இந்தப்படத்தில் அஜித்தின் லுக் மிக மோசமாக விமர்சிக்கப்பட்டது. வலிமையை தொடர்ந்து ‘
ஏகே 61
’ படத்தில் மூன்றாவது முறையாக வினோத், போனி கபூர், அஜித் மூவரும் இணைய உள்ளனர்.
‘ஏகே 61’ படத்திற்காக அஜித் ஏற்றுள்ள புதிய கெட்டப்பில் இருக்கும் புகைப்படங்கள் அண்மையில் வெளியாகி இணையத்தில் தீயாக பரவியது. ‘வலிமை’ படத்தில் ட்ரோல் செய்யப்பட்ட அஜித்தின் லுக் பற்றிய விமர்சனத்தை எல்லாம் அடித்து நொறுக்கும்படி புகைப்படங்கள் வெளியானது.
கேமராவுக்காக நடிக்காதீங்க.. விஜய்யை கண்டமேனிக்கு விளாசும் நெட்டிசன்கள்..!
இந்நிலையில் ‘ஏகே 61’ படத்தின் படப்பிடிப்பு ஹைதராபாத்தில் உள்ள ராமோஜிராவ் ஃபிலிம் சிட்டியில் இன்று துவங்கியுள்ளதாக தகவல்கள் வெளியாகியுள்ளன. மேலும் தீபாவளி ரிலீசாக படத்தை வெளியிட படக்குழுவினர் திட்டமிட்டுள்ளதாகவும் கூறப்படுகிறது. வங்கி கொள்ளையை சுற்றி இந்தப்படத்தின் திரைக்கதை அமைக்கப்பட்டுள்ளதாகவும் தகவல்கள் வெளியாகியுள்ளன.
‘ஏகே 61’ படத்திற்காக கிட்டத்தட்ட அஜித் 20 கிலோ வரை உடல் எடை குறைத்துள்ளதாக கூறப்படுகிறது. இந்த படத்தை தொடர்ந்து அஜித் நடிப்பில் லைகா நிறுவனம் தயாரிக்கவுள்ள ‘ஏகே 62’ படத்தை விக்னேஷ் சிவன் இயக்கவுள்ளார். அனிருத் இசையமைக்கவுள்ள இதன் படப்பிடிப்பு இந்த வருட இறுதியில் துவங்கும் என படக்குழுவினர் தெரிவித்துள்ளது குறிப்பிடத்தக்கது.
ஓபனிங் ஷோ பார்ப்போம்; Flop எல்லாம் அப்புறம் தான்!