நடிகர் சிலம்பரசனின் சினிமா வாழ்க்கையை நாம்
மாநாடு
படத்திற்கு முன் மாநாடு படத்திற்கு பின் என இரண்டாக பிரிக்கலாம். மாநாடு படத்தின் வெற்றி அவரை மீண்டும் பழைய நிலைக்கு திருப்பியுள்ளது. ஒரு காலகட்டத்தில் வெற்றி படங்களாக கொடுத்து வந்த சிம்புவிற்கு படங்களே வெளியாகாமல் போனது.
அதையெல்லாம் தாண்டி படங்கள் வெளியானாலும் பல சர்ச்சைகளில் சிக்கி தோல்வியை சந்தித்தது. கடந்த பத்து வருடங்களாக சிம்புவிற்கு சொல்லிக்கொள்ளும் வகையில் படங்கள் ஏதும் வெளியாகாததால் ஒரு மெகாஹிட் படத்திற்காக காத்துக்கொண்டிருந்தார் சிம்பு.
ஒரே வார்த்தையில் கெத்து காட்டிய ஏ.ஆர்.ரஹ்மான்..பாராட்டும் ரசிகர்கள்..!
எப்படி 2004 ஆம் ஆண்டு சிம்புவின் திரைக்கதையில் வெளியான
மன்மதன்
திரைப்படம் அவருக்கு மிகப்பெரிய திருப்புமுனையாக அமைந்ததோ அதேபோல்
வெங்கட் பிரபு
இயக்கத்தில் கடந்தாண்டு வெளியான மாநாடு படமும் அமைந்தது.
இந்நிலையில் மாநாடு படத்திற்கு பிறகு பல படவாய்ப்புகள், டாக்டர் பட்டம், விளம்பர படங்கள், பிக் பாஸ் தொகுப்பாளர் என அடுத்தகட்டத்திற்கு சென்றார் சிம்பு. தற்போது கௌதம் மேனன் இயக்கத்தில் சிம்பு நடிக்கும்
வெந்து தணிந்தது காடு
படத்தின் படப்பிடிப்பு இறுதிக்கட்டத்தை எட்டியுள்ளது. விரைவில் இப்படத்தின் அறிவிப்பு வெளியாகும் என எதிர்பார்க்கப்படுகின்றது.
இந்நிலையில் தற்போது சிம்புவின் ஒரு வீடியோ இணையத்தில் வெளியாகி செம வைரலாகிவருகின்றது. அந்த வீடியோவில் சிம்பு ஆட்டோ ஓட்டுநராக செம மாஸாக இருக்கின்றார்.இதைப்பார்த்த ரசிகர்கள் பாட்ஷா படத்தில் வரும் ரஜினியை போன்று செம மாஸாக இருக்கீங்க தலைவா என்றும் லிட்டில் சூப்பர்ஸ்டார்னா சும்மாவா என்றும் கமெண்ட் செய்து வருகின்றனர்.
மேலும் இந்த வீடியோ ஒரு விளம்பர படத்திற்காக எடுக்கப்பட்டுள்ளது என்பது குறிப்பிடத்தக்கது.