அஜித்தின் மாணவனாக மாறும் கவின்
வலிமை படத்தை தொடர்ந்து மீண்டும் வினோத் இயக்கத்தில் நடிக்கிறார் அஜித். ஐதராபாத்தில் நேற்று இதன் படப்பிடிப்பு துவங்கியது. இந்தப் படத்தையும் போனி கபூரே தயாரிக்கிறார். இதை முடித்ததும் அடுத்ததாக விக்னேஷ் சிவன் இயக்கத்தில் அஜித் நடிக்கிறார் என்பதும் ஏற்கனவே அறிவிக்கப்பட்டு விட்டது. இதில் பிக்பாஸ் புகழ் நடிகர் கவினும் முக்கிய வேடத்தில் நடிப்பதாக செய்தி வெளியாகி உள்ளது.
விக்னேஷ் சிவன் இயக்கும் அந்தப்படத்தில் அஜித் கல்லூரி பேராசிரியராகவும், அவரது மாணவனாக கவினும் நடிக்க இருக்கிறார்களாம். கவின் தற்போது விக்னேஷ் சிவன் தயாரித்து வரும் ஊர்க்குருவி என்கிற படத்தில் ஹீரோவாக நடித்து வருகிறார். இதில் கவினின் சின்சியாரிட்டியை பார்த்து தான் அஜித் நடிக்கும் படத்திலும் அவருக்கு முக்கியமான ஒரு கதாபாத்திரத்தை கொடுக்க முடிவு செய்தாராம் விக்னேஷ் சிவன்.