கோடைக்காலம் தொடங்கியுள்ளதை அடுத்து நாட்டின் பல பகுதிகளிலும் வெயில் சுட்டெரிக்க ஆரம்பித்துள்ளது. இதனை முன்னிட்டு மக்களுக்கு பயன் அளிக்கும் வகையில் அரசியல் கட்சிகள் பலவும் பல்வேறு இடங்களிலும் நீர் பந்தல்,
மோர் பந்தல்
என திறந்துள்ளன.
சினிமா நடிகர்கள் சார்பில் ரசிகர் மன்ற நிர்வாகிகளும் மோர் பந்தல் நீர் பந்தல் ஆகியவற்றை திறந்து வருகின்றனர். அந்த வகையில் நடிகர் விஷாலின் ரசிகர்கள், அரியலூர் மாவட்டத்தில் தண்ணீர் பந்தல் அமைத்து நீர்மோர் வழங்கி வருகின்றனர்.
மேலும் வெள்ளரீக்காய், வாட்டர் மிலன் போன்றவற்றையும் கொளுத்தும் வெயிலுக்கு இதமாக மக்களுக்கு வழங்கி வருகின்றனர்.
விஷால்
ரசிகர் மன்றத்தினரின் இந்த தண்ணீர் பந்தல் சேவை போட்டோக்கள் இணையத்தில் வைரலாகி வருகிறது.
நடிகர் விஷால் தற்போது லத்தி, துப்பறிவாளன் 2, மார்க் ஆண்டனி ஆகிய படங்களில் நடித்து வருகிறார். இதில் லத்தி மற்றும் மார்க் ஆண்டனி ஆகிய படங்களில் போஸ்ட் ப்ரடெக்ஷன் பணிகள் நடைபெற்று வருவது குறிப்பிடத்தக்கது.