தற்போது சமூகத்தளம் உட்பட எங்கு திரும்பினாலும்
பீஸ்ட்
படத்தைப்பற்றிய பேச்சுதான் ஓடிக்கொண்டிருக்கிறது. பொதுவாக பெரிய ஹீரோக்கள் படங்கள் என்றாலே பரபரப்பு இருந்து வருவது இயல்பான ஒன்றுதான். எனவே நாளை வெளியாகவிருக்கும் விஜய்யின் பீஸ்ட் படத்திற்கு ரசிகர்களின் எதிர்பார்ப்பு அமோகமாக இருந்துவருகின்றது.
நெல்சன்
மற்றும்
விஜய்
இணையப்போகின்றார்கள் என்ற செய்தி வெளியானத்திலிருந்தே இப்படத்தின் மீதான ரசிகர்களின் எதிர்பார்ப்பு அதிகரித்தது. மேலும் அவர்களின் எதிர்பார்ப்பை அதிகரிக்கும் வண்ணம் படத்தின் பாடல்கள் மற்றும் ட்ரைலர் வெளியானது.
நம்ப தளபதிக்கே இந்த நிலைமையா ? ஷாக்கான ரசிகர்கள்..!
இதைத்தொடர்ந்து சில நாட்களுக்கு முன்பு பீஸ்ட் படத்தின் முன்பதிவு துவங்கியது. முன்பதிவு துவங்கிய சில நிமிடங்கலிலேயே அனைத்து டிக்கெட்டுகளும் விற்று தீர்ந்தன. எனவே ரசிகர்கள் பலர் பீஸ்ட் படத்திற்கு டிக்கெட் கிடைக்காமல் தவித்து வருகின்றனர். தமிழ்நாட்டில் மட்டும்தான் இந்த நிலைமை என்று பார்த்தல் அயல்நாடுகளிலும் இதே சூழல் தான் நிலவி வருகின்றது.
ஜெர்மன், அமெரிக்கா, லண்டன் போன்ற பல நாடுகளில் விஜய்யின் பீஸ்ட் படத்தின் முன்பதிவு துவங்கிய சில நிமிடங்கலேயே டிக்கெட்டுகள் விற்று தீர்ந்தன. இந்நிலையில் அமெரிக்காவில் ரஜினியின் படங்களின் சாதனையை விஜய்யின் பீஸ்ட் படம் முறியடித்துள்ளது.
பொதுவாக ரஜினியின் படங்கள் இந்தியாவை தாண்டி உலகளவில் வசூலை வாரி குவிக்கும். சமீபத்தில் வெளியாகி எதிர்பார்த்த வெற்றியை பெறாத அண்ணாத்த திரைப்படம் கூட அமெரிக்காவில் வசூல் சாதனை செய்தது. அந்த அளவிற்கு ரஜினியின் படங்களுக்கு அமெரிக்காவில் அமோக வரவேற்பு இருந்து வருகின்றது.
இந்நிலையில் தற்போது விஜய்யின் பீஸ்ட் படம் அண்ணாத்த படத்தின் சாதனையை முறியடித்துள்ளது. முன்பதிவில் பீஸ்ட் திரைப்படம் அமெரிக்காவில் ரஜினியின் படங்களின் முன்பதிவு சாதனையை முறியடித்து புதியதோர் சாதனையை உருவாக்கியுள்ளது. இந்த செய்தியை கேட்ட விஜய் ரசிகர்கள் கொண்டாட்டத்தில் ஈடுபட்டு வருவது குறிப்பிடத்தக்கது.