நெல்சன் திலீப்குமார்
இயக்கத்தில்
விஜய்
, பூஜா ஹெக்டே, செல்வராகவன் உள்ளிட்டோர் நடித்திருக்கும்
பீஸ்ட்
படம் நாளை தியேட்டர்களில் ரிலீஸாகவிருக்கிறது.
பீஸ்ட் படத்தின் முதல்நாள் முதல் காட்சியை பார்க்க ரசிகர்கள் துடித்துக் கொண்டிருக்கிறார்கள். வீரராகவனை பெரிய திரையில் பார்த்து கொண்டாட தளபதி ரசிகர்கள் ஏற்கனவே தயாராகிவிட்டனர்.
இந்நிலையில் பீஸ்ட் குறித்து பேசி வீடியோ வெளியிட்டுள்ளார் எஸ்.ஏ. சந்திரசேகர்.
அந்த வீடியோவில் அவர் கூறியிருப்பதாவது,
பாசமுள்ள பிள்ளைகளே வணக்கம். பீஸ்ட் படத்தை பார்க்க உங்களை போன்று நானும் காத்துக் கொண்டிருக்கிறேன், ரசிகனாக. உங்களுடைய வெற்றி கொண்டாட்டத்திற்கு என்னுடைய வாழ்த்துக்கள் என தெரிவித்துள்ளார்.
மேலும் நாளை முதல் பீஸ்ட் என்று கூறி சன் பிக்சர்ஸ் வெளியிட்ட வீடியோவுடன் ட்வீட் செய்திருக்கிறார்.
தன் தந்தை எஸ்.ஏ.சந்திரசேகர் தெய்வம் போன்றவர் என்று பேட்டியில் தெரிவித்தார் விஜய். அந்த தெய்வமே விளம்பரம் தேடிக் கொடுப்பதால் பீஸ்ட் கண்டிப்பாக ஹிட்டாகும் என்று பேச்சு கிளம்பியிருக்கிறது.
யாரை பார்த்து?: விஜய்க்கு அப்படி ஒன்னும் அவசியம் இல்ல
பீஸ்ட் படத்திற்காக தான் தன் தந்தையை புகழ்ந்து பேசியிருக்கிறார் விஜய் என்று விமர்சிக்கிறார்கள். படத்திற்காக நிஜத்தில் நடிக்க வேண்டிய அவசியம் விஜய்ணாவுக்கு இல்லை என்று ரசிகர்கள் தெரிவித்துள்ளனர்.