நாடெங்கிலும் அதிக பயனர்களைக் கொண்டுள்ள ஓடிடி தளமான
நெட்பிளிக்ஸ்
, தனது பயனர்களுக்குப் பல வசதிகளை செயல்படுத்தி வருகிறது. முக்கியமாக, படைப்புகளின் தரத்தை மேம்படுத்துவதற்கும், தரமான படைப்புகளைச் சந்தாதாரர்கள் பார்வைக்கு எடுத்துச் செல்லவும் நிறுவனம் புதிய அம்சங்களை தனது தளத்தில் சேர்த்து வருகிறது.
அந்த வகையில் தற்போது, காணொளிகளை ரேட்டிங் செய்வதற்காக Two Thumbs Up வசதியைச் சேர்த்துள்ளது. இதன்மூலம், பார்வையாளர்கள் தாங்கள் அதிகம் விரும்பும் கண்டென்டுகளுக்கு இரட்டை தம்ப்ஸ் அப் கொடுக்க முடியும். இதன் அர்த்தம், இந்த திரைப்படம் அல்லது தொடர் எனக்கு மறக்க முடியாத அனுபவத்தை வழங்கியது என்றாகும்.
முன்னதாக,
நெட்ஃபிக்ஸ்
வீடியோக்களை ரேட்டிங் செய்ய இரண்டு ஐகான்கள் கொடுக்கப்பட்டிருந்தது. அதில் ஒன்று தம்ப்ஸ் அப், மற்றொன்று தம்ப்ஸ் டவுன். இந்த ஐகான்கள் எதை உணர்த்துகிறது என்று பார்க்கலாம்.
டிஸ்லைக் – தம்ப்ஸ் டவுன் ஐகான் – பிடிக்கவில்லை அல்லது இது எனக்கானது அல்லலைக் – தம்ப்ஸ் அப் ஐகான் – இது எனக்குப் பிடித்திருக்கிறதுடபுள் லைக் – இரட்டை தம்ப்ஸ் அப் ஐகான் – இது எனக்கு மிகவும் பிடித்திருக்கிறது
ஆபத்தாகும் VLC மீடியா பிளேயர் – ஹேக்கர்கள் நோட்டமிடுவதாக தகவல்!
தற்போது சேர்க்கப்பட்டுள்ள புதிய அம்சம் டிவி, மொபைல், லேப்டாப் என அனைத்து நெட்பிளிக்ஸ் தளங்களிலும் வேலை செய்யும் என நிறுவனம் தெரிவித்துள்ளது. இந்த புதிய வசதி மூலம் பயனர்களுக்குத் தேவையான, பிடித்தமான காணொளிகளை அவர்களுக்குப் பரிந்துரைக்க முடியும் என நெட்பிளிக்ஸ் கூறியுள்ளது.
நெட்பிளிக்ஸ் புதிய அம்சம்
Netflix
அறிக்கையின்படி, “எங்கள் தற்போதைய தம்ப்ஸ் அப் மற்றும் தம்ப்ஸ் டவுன் பொத்தான்கள் ஒரு தொடர் அல்லது திரைப்படத்தைப் பற்றி நீங்கள் எப்படி உணருகிறீர்கள் என்பதை எங்களிடம் கூறுவதற்கான சிறந்த வழியாக உள்ளது. அதன் வாயிலாக, உங்கள் ரசனைக்கேற்ப தனிப்பயனாக்கப்பட்ட வீடியோக்களைப் பெறுவீர்கள்.
இருப்பினும், இந்த உணர்வுகள் ஒரு எளிய விருப்பு அல்லது வெறுப்புக்கு அப்பாற்பட்டவை என்பதைக் காலப்போக்கில் நாங்கள் உணர்ந்து கொண்டோம். உங்களின் விருப்பத்தை எங்களிடம் கூறக் கூடுதல் வழியை வழங்குவது என்பது நிறுவனத்தின் கடமையாகும். இதற்காகவே புதிய இரட்டை தம்ப்ஸ் அப் பட்டன் சேர்க்கப்பட்டுள்ளது,” என்று தெரிவிக்கப்பட்டுள்ளது.
டாடாவின் ‘நியூ’ சூப்பர் ஆப் அறிமுகம் – போட்டி ஆப்ஸ்களுக்கு ஷாக் அளிக்கும் வகையில் ஆஃபர்கள்!
சமீபத்தில், உலகளவில் உள்ள நெட்பிளிக்ஸ் சந்தாதாரர்களுக்குக் கட்டணத்தை உயத்தியுள்ள நிறுவனம், இந்தியாவில் மட்டும் கட்டணத்தைக் குறைத்தது. இது கூடுதல் பார்வையாளர்களைப் பெறும் முயற்சி என்பதால், விரைவில் நிறுவனம் இந்தியாவில் உள்ள சந்தா திட்டங்களை மாற்றி அமைக்கும் என்று எதிர்பார்க்கப்படுகிறது.
என்ன தான் விலையை உயர்த்தினாலும், நெட்பிளிக்ஸ் தளத்தில் உள்ள பிரத்தியேக திரைப்படங்கள் மற்றும் தொடர்களுக்கென தனி ரசிகர் பட்டாளம் உள்ளனர். எனவே, நிறுவனம் விலையை உயர்த்தினாலும், சந்தாதாரர்களைத் தக்கவைத்துக் கொள்ளும் நெட்பிளிக்ஸ் என ஓடிடி விரும்பிகள் தெரிவித்து வருகின்றனர்.