விஜய்
ரசிகர்களின் மிக நீண்ட எதிர்பார்ப்பிற்கு பின் இன்று அதிகாலை ‘
பீஸ்ட்
‘ படம் திரையரங்குகளில் வெளியாகியுள்ளது. படத்தின் வெளியீட்டை பாலாபிஷேகம், கட்அவுட் என திருவிழா போல் கொண்டாடி வருகின்றனர் ரசிகர்கள்.
கோலமாவு கோகிலா, டாக்டர் படங்களை தொடர்ந்து நெல்சன் இயக்கிய ‘பீஸ்ட்’ படத்தில் நடித்துள்ளார் விஜய். சன் பிக்சர்ஸ் தயாரிக்கும் ‘பீஸ்ட்’ படத்தில் விஜய்க்கு ஜோடியாக
பூஜா ஹெக்டே
நடித்துள்ளார். இந்தப்படத்தில் மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்டோர் நடித்துள்ளனர்.
கடந்த பிப்ரவரி மாதம் காதலர் தினத்தன்று வெளியான விஜய்யின் ‘
அரபிக்குத்து
‘ பாடல் குறித்த பேச்சுக்கள் இன்றளவும் இணையம் முழுவதும் நிரம்பி வழிகின்றன. பட்டித்தொட்டி எங்கும் ஹிட்டட்டித்துள்ள இந்தப்பாடலுக்கு சின்னத்திரை தொடங்கி பெரியத்திரை வரை பல நாயகிகள் குத்தாட்டம் போட்டு வருகின்றனர்.
Beast: நெல்சனுடன் சேர்ந்து ‘தளபதி 66’ இயக்குனர் செய்த காரியம்: ‘பீஸ்ட்’ மோடில் விஜய் ரசிகர்கள்..!
‘பீஸ்ட்’ படத்தின் பர்ஸ்ட் சிங்கிளாக வெளியான “ஹலமித்தி ஹபிபோ” பாடல் பட்டி தொட்டியெங்கும் ஒலித்து வருகிறது. தளபதி விஜய்யின் துள்ளலான நடனமும் அனிருத்தின் அசத்தலான இசையும் இணைந்து வெளியாகியுள்ள இந்தப் பாடல் இதுவரை யூட்யூப்பில் பல கோடி பார்வையாளர்களை கடந்து சாதனை படைத்து வருகிறது.
இந்நிலையில் திரையரங்கிலும் “ஹலமித்தி ஹபிபோ” பாடலை வேற லெவலில் ரசிகர்கள் கொண்டாடி வருகின்றனர். ஒன்ஸ்மோர் கேட்கும் அளவிற்கு விஜய்யின் துள்ளலான நடனமும், பூஜா ஹெக்டேவின் அழகும் ‘அரபிக்குத்து’ பாடலில் வேற லெவலில் இருப்பதாக ரசிகர்கள் கமெண்ட் அடித்து வருகின்றனர். அனைவருக்கும் மிகப்பெரிய ட்ரீட்டாக இந்தப்பாடல் அமையும் என்றும் நெட்டிசன்கள் கொண்டாடி வருகின்றனர்.
மாஸ் காட்டும் விஜய் ரசிகர்கள்; வேற லெவலில் இறங்கும் BEAST!