கோடை காலம் நெருங்கி வரும் வேளையில் பயனர்களின் தேவைகளை பூர்த்தி செய்ய ரியல்மி புதிய தயாரிப்புகளை அறிமுகம் செய்துள்ளது. தற்போது
Realme Techlife
நிறுவனம் புதிய ஏசியை இந்திய பயனர் சந்தையில் விற்பனைக்குக் கொண்டு வந்துள்ளது.
நாடு முழுவதும் வெப்பநிலை அதிகரித்து வருவதை நுகர்வோர் உணர்ந்து வருகின்றனர். இந்நிலையில், அவர்கள் ஏசி வாங்க வேண்டும் என்று விரும்புகின்றனர். ஆனால், சந்தையில் நல்ல ஏசிக்கள் விலை அதிகமாகப் பட்டியலிடப்பட்டுள்ளது.
இதனை பயன்படுத்திக் கொண்ட ரியல்மி டெக்லைஃப் நிறுவனம், குறைந்த விலையில் புதிய ஏசிக்களை அறிமுகம் செய்துள்ளது.
Realme
கன்வெர்ட்டிபிள் ஏர் கண்டிஷனர்கள் Flipkart ஷாப்பிங் தளத்தில் கிடைக்கிறது. இது 1 டன் மற்றும் 1.5 டன் ஏசி திறனுடன் வருகிறது. புதிய ரியல்மி ஏசியின் விலை 27,790 ரூபாயில் இருந்து தொடங்குகிறது.
ரியல்மி ஏசி சிறப்பம்சங்கள்
இந்த ஏசிக்கள் மூன்று குளிரூட்டும் வசதிகளுடன் வருகிறது. ஒவ்வொரு பயனருக்கும் ஏற்ற வகையில், இந்த ஏசிக்கள் உருவாக்கப்பட்டுள்ளது என்று நிறுவனம் கூறியுள்ளது. கூடுதலாக, Realme Convertible ஏசி ஆனது, அறையில் உள்ளவர்களின் எண்ணிக்கைக்கு ஏற்ப குளிரூட்டும் திறனையும் கொண்டுள்ளது. மின் சிக்கனத்தை கருத்திற்கொண்டும் இந்த ஏசி தயாரிக்கப்பட்டுள்ளது.
முன்னணி ஏசிக்களில் உள்ளது போன்ற இன்வெர்ட்டர் கம்ப்ரசர் தொழில்நுட்பம் இதில் பயன்படுத்தப்பட்டுள்ளது. புதிய வகை ரியல்மி ஏசிக்கள் ஆட்டோ க்ளீன் அம்சத்துடன் வருகிறது. இது ஈரப்பதம், தூசி ஆகியவற்றிலிருந்து பாதுகாக்க உதவுகிறது. உள்ளிருக்கும் காயிலை பாதுகாக்க, ப்ளூ ஃபின் தொழில்நுட்பம் இதில் நிறுவப்பட்டுள்ளது. மேலும், 100% காப்பர் காயில் கொண்ட குளீரூட்டி இதில் உள்ளது.
இப்போது ரியல்மி தரப்பில் இருந்து வெளியிடப்பட்டுள்ள மூன்று ஏசிக்கள் விலை விவரங்கள் குறித்து விரிவாகக் காணலாம். இதில் உங்களுக்கு தேவையான ஏசியை தேர்வு செய்துகொள்ளலாம்.
வெறும் ரெண்டு லைட் – அதுக்காக விலைய இப்படி ஏத்துறதா!
Realme TechLife 4-in-1 Convertible 1 Ton 4 Star Split Inverter
இந்த ஏசி ரூ.27,790க்கு அறிமுகப்படுத்தப்பட்டுள்ளது. நீங்கள் Flipkart இலிருந்து வாங்கினால், EMI இன் கீழ் மாதம் ரூ.964 செலுத்த வேண்டும். இது 4 ஸ்டார் மின் சேமிப்பு மதிப்பீடு உடன் வருகிறது. 20% விழுக்காடு வரை மின் ஆற்றலை இந்த ஏசி சேமிக்கிறது. இதன் குளிரூட்டும் திறன் 1 டன் ஆக இருக்கிறது.
Realme TechLife 4-in-1 Convertible 1.5 Ton 4 Star Split Inverter
1.5 டன் திறன்கொண்ட இந்த ஏசி ரூ.30,999க்கு அறிமுகம் செய்யப்பட்டுள்ளது. நீங்கள் Flipkart இலிருந்து சுலப மாதத் தவணைத் திட்டத்தின் கீழ் மாதம் ரூ.1,060 செலுத்தி இந்த ஏசியைப் பெற்றுக்கொள்ளலாம். இது 4 ஸ்டார் மின் சேமிப்பு மதிப்பீடு உடன் வருகிறது. 20% விழுக்காடு வரை மின் ஆற்றலை இந்த ஏசி சேமிக்கிறது.
ஏப்ரல் 27 அன்று ரிலீசாகும் சியோமியின் புதிய அவதாரம்!
Realme TechLife 4-in-1 கன்வெர்டிபிள் 1.5 டன் 5 ஸ்டார் ஸ்பிளிட் இன்வெர்ட்டர்
ரியல்மியின் 1.5 டன் திறன்கொண்ட 5 ஸ்டார் ரேட்டிங் கொண்ட ஏசி ரூ.33,490க்கு அறிமுகம் செய்யப்பட்டுள்ளது. நீங்கள் Flipkart இலிருந்து சுலப மாதத் தவணைத் திட்டத்தின் கீழ் மாதம் ரூ.1,145 செலுத்தி இந்த ஏசியைப் வாங்கலாம். இந்த ஏசியானது 25% விழுக்காடு வரை மின் ஆற்றலை சேமிக்கிறது.
ரியல்மியின் ஏசிக்களை பிளிப்கார்ட்டில் இருந்து வாங்கும் ஐசிஐசிஐ வங்கி வாடிக்கையாளர்களுக்கு கூடுதலாக ரூ.1,250 நேரடி தள்ளுபடி கிடைக்கிறது. மேலும், Flipkart Axis Bank Credit Card வாடிக்கையாளர்களுக்கு 5% சலுகை வழங்கப்படுகிறது.