‘மாஸ்டர்’ படத்தின் வெற்றியை தொடர்ந்து தற்போது
பீஸ்ட்
‘ படத்தில் நடித்தார்
விஜய்
. கோலிவுட் வட்டாராமே எதிர்பார்த்து கொண்டிருந்த ‘பீஸ்ட்’ படம் நேற்றைய தினம் வெளியானது. படத்தை பார்த்த ரசிகர்கள் பலவிதமான கமெண்ட்களை சோசியல் மீடியாவில் தொடர்ந்து வருகின்றனர்.
சன் பிக்சர்ஸ் தயாரித்துள்ள ‘பீஸ்ட்’ படத்தில் விஜய்க்கு ஜோடியாக பூஜா ஹெக்டே நடித்துள்ளார். கோலமாவு கோகிலா, டாக்டர் படங்களை தொடர்ந்து விஜய் நடிப்பில் ‘பீஸ்ட்’ படத்தை இயக்கியுள்ளார்
நெல்சன் திலீப்குமார்
.இந்தப்படத்தில் மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்டோர் நடித்துள்ளனர்.
இந்நிலையில் நேற்றைய தினம் ‘பீஸ்ட்’ படம் வெளியானது. படத்தின் வெளியீட்டை கட்அவுட், பாலாபிஷேகம் என திருவிழா போல் கொண்டாடினர்கள் ரசிகர்கள். படத்தை பார்த்த ரசிகர்கள் இணையத்தில் பலவிதமான கமெண்ட்களை பதிவிட்டு வருகின்றனர். வித்தியாசமான விஜய்யை இந்தப்படத்தில் பார்க்கலாம் என்றும், காமெடியில் கலந்து கட்டி அடிக்கும் நெல்சன், தற்போது ஆக்ஷனில் பின்னி பிடலெடுத்துள்ளதாக படத்தை கொண்டாடி வருகின்றனர் ரசிகர்கள்.
மீண்டும் வெடிக்கும் சிம்பு vs தனுஷ் மோதல்: பரபரக்கும் கோலிவுட்..!
‘பீஸ்ட்’ படத்தை தொடர்ந்து
ரஜினிகாந்த்
நடிக்கும் ‘
தலைவர் 169
‘ படத்தை இயக்கவுள்ளார் நெல்சன். ‘பீஸ்ட்’ படத்தை விஜய் ரசிகர்கள் கொண்டாடி வந்தாலும் பலவிதமான நெகட்டிவ் விமர்சனங்களும் குவிந்து வருகிறது. நெல்சன் திரைக்கதை அமைப்பில் சொதப்பி விட்டதாகவும் விமர்சனம் எழுந்துள்ளது. இந்நிலையில் ரஜினிகாந்த் ‘பீஸ்ட்’ படத்தை சன் பிக்சர்ஸ் அலுவலகத்தில் பார்த்துள்ளதாக தகவல்கள் வெளியாகியுள்ளன.
இதனையடுத்து ரசிகர்கள் பலரும் தலைவர் உஷார் ஆகி நெல்சனை கழட்டி விட்ருவரோ? என கலாய்த்து வருகின்றனர். நேற்று ‘பீஸ்ட்’ படத்திற்கு நெகட்டிவ் விமர்சனம் எழுந்த போதே அடுத்த நீங்கதான் என ரஜினி ரசிகர்களை கலாய்த்து வந்தனர் நெட்டிசன்கள். சன் பிக்சர்ஸ் தயாரிக்கவுள்ள ‘தலைவர் 169’ படத்திற்கு அனிருத் ரவிச்சந்தர் இசையமைக்கவுள்ளது குறிப்பிடத்தக்கது.
பயமா இருக்கா? “பீஸ்ட்” தியேட்டரை அலறவிட்ட ரசிகர்கள்!