அறிமுக இயக்குநர் தமிழ் இயக்கத்தில்
விக்ரம் பிரபு
, அஞ்சலி நாயர், லிவிங்ஸ்டன், எம்எஸ் பாஸ்கர் உள்ளிட்ட பலர் நடித்துள்ள படம் டாணாக்காரன். இந்தப் படம் ஓடிடி தளமான டிஸ்னி ப்ளஸ் ஹாட் ஸ்டாரில் வெளியாகியுள்ளது.
விமர்சன ரீதியாக நல்ல வரவேற்பு கிடைத்துள்ள இப்படத்திற்கு பாராட்டுக்களும் குவிந்து வருகிறது. நடிகர் ரஜினிகாந்த் டாணாக்காரன் படத்தை பார்த்து நடிகர் விக்ரம் பிரபுவை பாராட்டியிருந்தார். இதனை விக்ரம் பிரபுவே தனது டிவிட்டர் பக்கத்தில் தெரிவித்திருந்தார்.
இந்நிலையில் தமிழ் சினிமாவின் முன்னணி இயக்குநர்களில் ஒருவரான
சுசீந்திரன்
, டாணாக்காரன் படத்தை பார்த்து பாராட்டியுள்ளார். இதுதொடர்பாக அவர் வெளியிட்டுள்ள அறிக்கையில் தெரிவித்திருப்பதாவது, இயக்குநர் தமிழ் அவர்களின் இயக்கத்தில் டிஸ்னி ஹாட்ஸ்டாரில் வெளி வந்திருக்கும் டாணாக்காரன் திரைப்படத்தை பார்த்தேன்.
சிறந்த படைப்பு… ஒரு இயக்குநராக தமிழ் அவர்கள் அனைத்து நடிகர்களிடமும் வேலை வாங்கி இருக்கும் விதம் பாராட்டத்தக்கது. படத்தின் ஒளிப்பதிவாளர் மாதேஷ் மாணிக்கம் சகோதரர் மிக நேர்த்தியாக எதார்த்தமாக, ஒளிப்பதி செய்திருக்கிறார். பின்னணி இசை, படத்தொகுப்பாளர் கலை இயக்குநர் அனைவருக்கும் எனது பாராட்டுக்கள்.. படக்குழுவிற்கு என் மனமார்ந்த வாழ்த்துக்கள் என தெரிவித்துள்ளார்.
KGF 2 வெற்றி அடைய இதுவும் ஒரு காரணம்!