பீஸ்ட் இரண்டாம் பாகம் – நெசல்சன் சொன்ன பதில்
கோலமாவு கோகிலா, டாக்டர் என்ற இரண்டு ஹிட் படங்களை கொடுத்தவர் நெல்சன். மூன்றாவதாக விஜய்யை வைத்து பீஸ்ட் படத்தை இயக்கினார். முந்தைய படங்களை விட இந்த படம் சூப்பர் ஹிட் அடிக்கும் என்றுதான் எதிர்பார்க்கப்பட்டது. ஆனால் மிகுந்த எதிர்பார்ப்புகளுக்கிடையே வெளியான இப்படம் ரசிகர்களை ஏமாற்றி விட்டது. கலவையான விமர்சனங்கள் வெளியாகிக் கொண்டிருகின்றன. இருப்பினும் வசூல் ரீதியாக பீஸ்ட் படம் ஏமாற்றவில்லை என்றும் கூறப்படுகிறது.
இந்நிலையில் இயக்குனர் நெல்சன் அளித்த ஒரு பேட்டியில், பீஸ்ட் படத்தின் கதைக்களத்தில் இரண்டாம் பாகத்தை எடுப்பதற்கு வாய்ப்பு இருப்பதாக தெரிவித்துள்ளார். அந்த கேரக்டர் அப்படி உருவாக்கப்பட்டது தான். அதற்கு விஜய் சம்மதிக்கனும், அதுகுறித்து பின்னர் முடிவெடுக்கப்படும் என்று கூறியுள்ளார்.
இப்படி ஒரு பதில் வெளியானதை அடுத்து பீஸ்ட் படத்தின் இரண்டாம் பாகத்தை நீங்கள் எடுப்பீர்கள். ஆனால் விஜய் அதில் நடிப்பாரா? என ரசிகர்கள் பதில் கேள்வி கேட்டு வருகின்றனர்.