'இந்தி தெரியாது போடாக்கு' பிறகு யுவனின் தரமான சம்பவம்: வைரலாகும் போட்டோ..!

மில்லியன் கணக்கில் பலோயர்கள் வைத்திருக்கும் பிரபலங்களின் வலைத்தள பக்கங்கள் லைக், கமெண்ட்களை மட்டுமல்லாமல் அவ்வப்போது சர்ச்சைகளையும் ஏற்படுத்துவது வழக்கம். இந்நிலையில் இசையமைப்பாளர்
யுவன் ஷங்கர் ராஜா
தனது இன்ஸ்டாகிராம் பக்கத்தில் பகிர்ந்துள்ள பதிவு ஒன்று சமூக வலைத்தளங்களில் பரபரப்பை கிளப்பியுள்ளது.

இசைஞானி இளையராஜாவின் மகனான யுவன் ஷங்கர் ராஜா தமிழ் சினிமாவில் தனக்கென ரசிகர் பட்டாளம் கொண்டு பிஜிஎம் கிங்காக வலம் வருபவர். இவரின் இசையே பல சிறிய பட்ஜெட் படங்களுக்கு மிகப்பெரிய முகவரியாக அமைந்தது. சமூக வலைத்தளங்களிலும் ஆக்டிவாக செயல்பட்டு வரும் யுவன், தற்போது தனது இன்ஸ்டாகிராம் பக்கத்தில் அதிரடியான பதிவு ஒன்றை பகிர்ந்துள்ளார்.

அண்மையில் அமித்ஷா இந்தியை ஆங்கிலத்துக்கு மாற்றாக கொண்டு வர வேண்டும். இந்தி தான் இணைப்பு மொழி என பேசியது மிகப்பெரிய எதிர்ப்புகளை சம்பாதித்தது. இதற்கு பதிலடி கொடுக்கும் விதமாக
ஏ.ஆர். ரஹ்மான்
ழகரம் ஏந்திய தமிழணங்கு என்ற வார்த்தைகளை தாங்கிய போட்டோவில், ‘ழ’ கரத்தை தங்கிய பெண் தாண்டவமாட, கீழே ‘தமிழணங்கு’ என்றும், புரட்சிக்கவிஞரின் பாடல் வரிகள் இடம்பெற்ற புகைப்படம் ஒன்றை தனது சமூக வலைத்தள பக்கங்களில் பதிவிட்டார்.

இளையராஜா மோடியை புகழ்ந்ததுக்கான காரணம் இதுவா..?: பரபர பின்னணி.!

அவரின் இந்த பதிவு இணையத்தில் தீயாக பரவியது. இந்நிலையில் யுவன் ஷங்கர் ராஜா தனது இன்ஸ்டாகிராம் பக்கத்தில், ‘கருப்பு திராவிடன், பெருமைக்குரிய தமிழன்’ என கேப்சன் கொடுத்து கடற்கரையோரம் கருப்பு நிற உடை அணிந்தபடி நின்ற புகைப்படம் ஒன்றை பகிர்ந்துள்ளார். ஏற்கனவே இந்தி திணிப்பு மேலோங்கிய போது, இவரும் ‘மெட்ரோ’ பட நாயகன் சிரிஷும்
இந்தி தெரியாது போடா
, Im a தமிழ் பேசும் Indian போன்ற வாசகங்கள் அடங்கிய டி ஷர்ட் அணிந்து பதிவிட்டிருந்தது இணையத்தில் தீயாக பரவியது.

View this post on Instagram A post shared by U1 (@itsyuvan)

இந்நிலையில் யுவன் தற்போது பகிர்ந்துள்ள பதிவு ஏ.ஆர். ரஹ்மானுக்கு ஆதரவான குரலே என்று ரசிகர்கள் பதிவிட்டு வருகின்றனர். மேலும் கடந்த சில தினங்களுக்கு முன்பாக மோடியை, டாக்டர் அண்ணல் அம்பேத்கருடன் ஒப்பிட்டு
இளையராஜா
கூறியிருந்ததிற்கு கடும் எதிர்ப்புகள் எழுந்தது. இந்நிலையில் ‘கருப்பு திராவிடன், பெருமைக்குரிய தமிழன்’ யுவன் பதிவிட்டுள்ளது நெட்டிசன்கள் மத்தியில் வரவேற்பை பெற்று வருகிறது.

புரட்சியை கிளப்பும் ஏ ஆர் ரகுமான்; மாணவன் அசத்தல் முயற்சிக்கு குவியும் பாராட்டு!