‘மாஸ்டர்’ படத்தின் வெற்றியை தொடர்ந்து தற்போது
கமல்ஹாசன்
நடிப்பில் ‘
விக்ரம்
‘ படத்தை இயக்கி முடித்துள்ளார்
லோகேஷ் கனகராஜ்
. கடந்த ஆண்டு துவங்கிய இதன் படப்பிடிப்பு சென்னை, பாண்டிச்சேரி உள்ளிட்ட பகுதிகளில் நடைபெற்றது. இந்நிலையில் ஜுன் மாதம் வெளியாகவுள்ள ‘விக்ரம்’ படத்தின் வெளியீட்டு பணிகளில் மும்முரமாக இறங்கியுள்ளனர் படக்குழுவினர்.
‘மாநகரம்’ படத்தின் மூலம் தமிழ் சினிமாவில் இளம் இயக்குனராக அறிமுகமானவர் லோகேஷ். முதல் படத்திலே விமர்சனரீதியாக வரவேற்பை பெற்ற லோகேஷ், இரண்டாவது படமாக கார்த்தி நடிப்பில் ‘கைதி’ படத்தை இயக்கினார். முழுக்க முழுக்க ஆக்ஷன் சென்டிமென்ட் கலந்து உருவான இந்தப்படத்தில் ஒரு பாடல் கூட இடம்பெறவில்லை. லோகேஷின் தனித்துவமான இயக்கத்தில் வெளியான இந்தப்படம் மெஹா ஹிட் அடித்தது.
அதனை தொடர்ந்து விஜய் நடிப்பில் வெளியான ‘மாஸ்டர்’ படத்தை இயக்கினார். இந்தப்படமும் பாக்ஸ் ஆபிஸில் கலக்கியது. இந்நிலையில் தற்போது ‘விக்ரம்’ படத்தை இயக்கி முடித்துள்ளார். கமல் படங்களை பார்த்தே நான் சினிமாவிற்கு வந்தேன் என வெளிப்படையாக கூறிய தீவிர ரசிகரான லோகேஷின் இயக்கத்தில் கமல் நடித்துள்ளது ரசிகர்கள் மத்தியில் மிகப்பெரிய எதிர்பார்ப்பினை ஏற்படுத்தியுள்ளது.
Vijay: அதை மட்டும் பண்ணாதீங்க விஜயண்ணா… கதறும் தளபதி ரசிகர்கள்..!
இந்நிலையில் அண்மையில் வரிசையாக வெளியான முன்னணி நடிகர்களின் படங்கள் கலவையான விமர்சனங்களை பெற்று ரசிகர்களின் எதிர்பார்ப்பினை பூர்த்தி செய்யவில்லை. ரஜினியின் ‘அண்ணாத்த’, அஜித்தின் ‘வலிமை’, விஜய்யின் ‘பீஸ்ட்’ ஆகிய படங்கள் வரிசையாக பல நெகட்டிவ் விமர்சனங்களை குவித்துள்ளன.
இதே போல் ‘விக்ரம்’ படமும் இருந்துவிட கூடாதென்று ரசிகர்கள் எதிர்பார்த்து வருகின்றனர். கமலின் தீவிர ரசிகரான லோகேஷ் கனகராஜ் கண்டிப்பாக சொதப்பிவிட மாட்டார். ரசிகர்களின் எதிர்பார்ப்பினை முழுவதுமாக ‘விக்ரம்’ படம் பூர்த்தி செய்யும் என்று ரசிகர்கள் நம்பிக்கையுடன் காத்திருக்கின்றனர். ‘விக்ரம் படம் ஜுன் 3 ஆம் தேதி ரிலீசாக உள்ளது குறிப்பிடத்தக்கது.
“இந்த Scene தான் பயங்கரம்” – கேஜிஎப் 2 ரசிகர்களின் விமர்சனம்!