சியோமி நிறுவனத்தில் டேப்லெட் வரவுக்காக பயனர்கள் இதுவரை காத்திருந்தனர். இன்னும் சில நாள்களுக்கு மட்டுமே நீங்கள் இப்படி காத்திருக்க வேண்டும். ஏனென்றால் சியோமி தனது
Xiaomi Pad 5
வெளியீட்டு தேதி குறித்து அறிவித்துள்ளது. சியோமி இந்தியா ட்விட்டர் பதிவில் இதுகுறித்து நிறுவனம் பதிவிட்டுள்ளது.
முன்னதாக ஏப்ரல் 1 ஆம் தேதி இந்த டேப்லெட் வெளியாகும் என எதிர்பார்க்கப்பட்டிருந்த நிலையில், நிறுவனம் இதை பதிவிட்டுள்ளது. அதன்படி, ஏப்ரல் 27 ஆம் தேதி புதிய
சியோமி பேட் 5
டேப்லெட் வெளியிடப்படுகிறது. அதிரடி அம்சங்கள் அடங்கி இருக்கும் இந்த டேல்லெட்டின் சிறப்பம்சங்கள் குறித்து உறுதிபடுத்தப்பட்ட தகவல்கள் கிடைத்துள்ளது. முன்னதாக, இந்த டேப்லெட்
Mi Pad 5
என வெளியாகலாம் என்று கணிக்கப்பட்டது.
ஒப்போ பேட், ரியல்மி பேட் என சந்தையில் வருகைக்காக வரிசை கட்டி நிற்கும் முன்னணி நிறுவனங்களின் டேப்லெட்களுக்கு மத்தியில், சீன நிறுவனமோ அதிக டேப்லெட் வாடிக்கையாளர்களை கையில் வைத்திருக்கும் சாம்சங் நிறுவனத்தின் தயாரிப்புகளுக்கு நேரடி போட்டியாக தனது டேப்லெட்டை களமிறக்குகிறது. இதுவே, நிறுவனத்தின் இலக்கு எனவும் நிறுவன வட்டாரங்களில் இருந்து தகவல் கசிந்துள்ளது.
வழிக்கு வந்த பிஎஸ்என்எல் – பிற டெலிகாம் நிறுவனங்களைத் தொடர்ந்து நடவடிக்கை!
சியோமி பேட் 5 அம்சங்கள் (Xiaomi Pad 5 Specs)
புதிய சியோமி பேட் 5 டேப்லெட் 11″ இன்ச் WQHD+ 1600×2560 ரெசலியூஷன் LCD டிஸ்ப்ளே கொண்டிருக்கும். DCI-P3, Dolby Vision ஆதரவையும் இந்த டிஸ்ப்ளே கொண்டிருக்கும் எனத் தெரியவந்துள்ளது. இந்த டிஸ்ப்ளே 120Hz ரெப்ரெஷ் ரேட் ஆதரவை பெறும். இதன் திரை அடர்த்தி 275ppi ஆக இருக்கும்.
Android 12 அடிப்படையிலான MIUI 13 ஸ்கின் இதில் நிறுவப்பட்டிருக்கும்.
Qualcomm Snapdragon 860
புராசஸிங் சிப்செட் கொண்டு இந்த டேப்லெட் இயக்கப்படும். ஸ்னாப்டிராகன் புராசஸர் உடன் வெளியாகும் முதல் பட்ஜெட் டேப்லெட் இதுவாக இருக்கும் என்று எதிர்பார்க்கப்படுகிறது.
கேமராவைப் பொருத்தவரை செல்பி, வீடியோ அழைப்புகளுக்காக 8MP மெகாபிக்சல் லென்ஸ் இதன் டிஸ்ப்ளே பொசலில் பொருத்தப்பட்டுள்ளது. பின்புறம் 13MP மெகாபிக்சல் லென்ஸ் இதில் கொடுக்கப்பட்டிருக்கும்.
ப்ளூடூத் 5.1, WiFi, USB டைப் சி போன்ற இணைப்பு ஆதரவுகளையும் இந்த டேப்லெட் கொண்டுள்ளது. ஜிபிஎஸ், கைரோ போன்ற சென்சார்களும் கொடுக்கப்பட்டுள்ளது. இதில் ப்ளூடூத் பென்னும் கொடுக்கப்படுகிறது. மொத்தம் 4 ஸ்பீக்கர்கள் உடன் Dolby Atmos ஆதரவை சியோமி டேப்லெட் பெறுகிறது.
ஏன் இந்த போன்கள் வெடிக்கிறது? சரியான காரணங்கள் என்ன?
சியோமி பேட் 5 வெளியீட்டு தேதி (Xiaomi Pad 5 Launch date in India)
ரேம் மெமரியாக 6GB LPDDR4X RAM ஆதரவு வழங்கப்படும். மேலும், 128GB, 256GB UFS 3.1 ஸ்டோரேஜ் மெமரியும் கொடுக்கப்படுகிறது. அதிகமான வேலைகளை மேற்கொள்ள இதன் திறன் போதுமானதாக இருக்கிறது. பேட்டரி திறன் 8720mAh ஆக இருக்கும். இதனை ஊக்குவிக்க 33W பாஸ்ட் சார்ஜிங் ஆதரவு கொடுக்கப்படும்.
பெர்ல் வைட், காஸ்மிக் கிரே ஆகிய இரு நிறங்களில் இந்த ஸ்மார்ட் டேப்லெட் வெளியாக உள்ளது. இதன் விலையைப் பொருத்தவரை இந்தியாவில் 6GB+128GB வேரியண்ட் 20,999 ரூபாய்க்கு வெளியாகலாம் என எதிர்பார்க்கப்படுகிறது.
ஏப்ரல் 27 அன்று நடைபெறும் சியோமி நிகழ்வில்
Xiaomi
Pad 5 வெளியிடப்படுகிறது. சியோமி இந்தியா தளத்தில் இருந்து இந்த டேப்லெட்டை பயனர்கள் வாங்க முடியும். கூடுதல் அறிமுக தின சலுகைகள் இருக்கும் என்று தெரிவிக்கப்பட்டுள்ளது. டேப்லெட்டின் விற்பனை தேதி குறித்த தகவல்கள், அறிமுக தினத்தில் தான் சியோமி வெளியிடும் என்று கூறப்படுகிறது.