செய்தி பகிரும் தளங்களில் பிரபலமாக வலம் வரும்
டெலிகிராம்
செயலி, பயனர்களுக்கு பல புதிய அப்டேட்டுகளை வழங்கி, வாட்ஸ்அப் தளத்திற்கு நேரடி போட்டியாளராக உள்ளது. பெரிய கோப்புகள், குழுக்கள் போன்றவற்றில் டெலிகிராம் முன்னிலை வகிக்கிறது.
பயனர்கள் எதிர்பார்ப்புகளை பூர்த்தி செய்யும் வகையில், டெலிகிராம் நிறுவனம் பயனர்களுக்கு புதிய அப்டேட்டுகளை வழங்கி வருகிறது. தற்போது iOS, ஆண்ட்ராய்டு பயனர்களுக்கு ஒரே நேரத்தில் நிறுவனம் புதிய அப்டேட்டை வழங்கியுள்ளது. இந்த அப்டேட் மூலம் டெலிகிராம் பயனாளர்களுக்கு பல அம்சங்கள் கிடைத்துள்ளது.
டெலிகிராம் வெளியிட்டுள்ள புதிய அப்டேட்டில் கஸ்டம் நோட்டிபிகேஷன் சவுண்ட், கஸ்டம் மியூட் டியுரேஷன்ஸ், ஆட்டோ டெலிட் மெனு போன்ற அம்சங்கள் முக்கியமானதாகப் பார்க்கப்படுகிறது. இந்நிலையில் புதிய அப்டேட்டுகள் குறித்து விரிவாகப் பார்க்கலாம்.
மலிவான ஸ்மார்ட் வாட்ச் வாங்கும் கனவு நனவாகும்! விரைவில் விற்பனைக்கு வரும் Dizo வாட்ச் எஸ்!
ஆட்டோ டெலிட் ஆப்ஷன்
ஆட்டோ டெலிட் அம்சம் ஏற்கனவே நிறுவப்பட்டிருந்தாலும், குறிப்பிட்ட தொடர்புகளுக்கு இந்த அம்சத்தினை செயல்படுத்த முடியாது. தற்போது கொடுக்கப்பட்டிருக்கும் அப்டேட்டில் குறிப்பிட்ட தொடர்புகளுக்கு இந்த ஆட்டோ டெலிட் அம்சத்தை ஆக்டிவேட் செய்ய முடியும்.
இந்த அம்சத்தை இரண்டு நாட்கள், மூன்று வாரங்கள், நான்கு மாதங்கள் அல்லது அதற்கும் மேற்பட்ட காலக்கட்டம் வரை செட் செய்து கொள்ளலாம். இதன் உதவியுடன் தேவையற்ற கண்டெண்டுகள் சாட் பாக்ஸில் இருப்பதைத் தவிர்க்கலாம்.
சிக்னல், டெலிகிராம், வாட்ஸ்அப் – இதில் எந்த மெசஞ்சர் பாதுகாப்பானது?
கஸ்டம் நோட்டிபிகேஷன்
டெலிகிராம் செயலியில் உங்களின் இசைப் பட்டியலில் இருந்தோ அல்லது வேறு ஏதேனும் ஒலிகளை சமிஞ்சை டோனாக செட் செய்து கொள்ள முடியும். இதனை ஆக்டிவேட் செய்ய செயலியின் செட்டிங்ஸ் – நோட்டிபிகேஷன்ஸ் – சவுண்ட்ஸ் ஆப்ஷன்களை தேர்வு செய்து, தேவையான டோன்களை செட் செய்ய வேண்டும்.
தனிப்பட்ட அரட்டைகள் அல்லது முழு அரட்டைகளுக்கு இப்போது தனி டோன்களை செட் செய்யலாம். இவ்வாறு செய்யும் போது குறிப்பிட்ட தொடர்புகள் அல்லது குழுக்களில் இருந்து செய்தி வருவதை, ஒலியை வைத்தே அறிந்து கொள்ள முடியும். தேவையில்லாமல், எல்லா நோட்டிப்பிகேஷன்களுக்கு போனை எடுத்து பார்க்க வேண்டும் என்ற அவசியம் இருக்காது.
ஒன்பிளஸ், ரெட்மி என இந்த மாதம் வெளியாக காத்திருக்கும் போன்கள்!
கஸ்டம் மியூட்
இது ஒரு முக்கியமான அம்சமாகப் பார்க்கப்படுகிறது. தற்போது குறிப்பிட்ட நேரத்திற்கு மட்டுமே நோட்டிபிகேஷன்கள் வராமல் தடுக்க முடியும். அதாவது, அவற்றை Pause செய்ய முடியும். முக்கியனான வேலைகளில் இருக்கும்போது நோட்டிபிகேஷன்களால் வரும் தொந்தரவுகளை இந்த அம்சத்தின் மூலம் தவிர்க்க முடியும்.
உங்களுக்கு பிடித்த மெசஞ்சர் செயலி எது? அதில் என்னென்ன அம்சங்கள் உங்களுக்கு பயனுள்ளதாக இருக்கிறது என்பது குறித்து கீழே உள்ள கருத்துப் பெட்டியில் கூறுங்கள்.
லிங்கை க்ளிக் செய்து சர்வேயில் கலந்துக்கோங்க… கவர்ச்சிகரமான பரிசுகளை வெல்லுங்க!