ரியல்மி
நிறுவனம் இந்தியாவில் தனது தயாரிப்புகளை தொடர்ந்து அறிமுகம் செய்து வருகிறது. சமீபத்தில், இந்தியாவில் நிறுவனம் பிளாக்ஷிப் Realme GT 2 PRO ஆண்ட்ராய்டு ஸ்மார்ட்போனை அறிமுகம் செய்தது. தொடர்ந்து பட்ஜெட் போன்களை வெளியிட்ட நிறுவனம், தற்போது பிரீமியம் ரேஞ்சில் புதிய ஸ்மார்ட்போனை அறிமுகம் செய்யவுள்ளது.
அதன்படி, நிறுவனம்
Realme GT Neo 3
ஸ்மார்ட்போனை ஏப்ரல் 29 ஆம் தேதி இந்திய சந்தையில் வெளியிட உள்ளது. இந்த வெளியீட்டு நிகழ்வில் நிறுவனத்தின் வேறும் சில தயாரிப்புகள் அறிமுகம் செய்யப்படலாம் என எதிர்பார்க்கப்படுகிறது.
விரைவில் வெளியாகக் காத்திருக்கும்
ரியல்மி ஜிடி நியோ 3
ஸ்மார்ட்போன் குறித்து இணையத்தில் பல தகவல்கள் கசிந்து வருகிறது. கிடைத்த தகவல்களின்படி, புதிய ரியல்மி பிரீமியம் ஸ்மார்ட்போனின் அம்சங்கள் என்ன என்பதை தெரிந்து கொள்ளலாம்.
ரியல்மி ஜிடி நியோ 3 சிறப்பம்சங்கள்
இந்த ஸ்மார்ட்போன் 6.7″ அங்குல முழுஅளவு எச்டி+ அமோலெட் திரையைக் கொண்டிருக்கும். டிஸ்ப்ளே 120Hz ஹெர்ட்ஸ் ரெப்ரெஷ் ரேட் கொண்டு செயல்படும். இதன் டச் சேம்ப்ளிங் ரேட் 1000Hz ஆக இருக்கும். பஞ்ச் ஹோல் திரை அம்சத்தினை புதிய ரியல்மி போன் கொண்டிருக்கும்.
MediaTek டிமென்சிட்டி 8100 புராசஸர் இந்த போனில் நிறுவப்பட்டுள்ளது. ஆண்ட்ராய்டு 12 இயங்குதள அடிப்படையில் கட்டமைக்கப்பட்ட ரியல்மி UI 3.0 ஸ்கின் இந்த ரியல்மி ஜிடி நியோ 3 ஸ்மார்ட்போனை இயக்குகிறது. மெமரியைப் பொருத்தவரை, 12GB ரேம், 256GB ஸ்டோரேஜ் மெமரி வரை இந்த ஸ்மார்ட்போனில் வழங்கப்படும் என எதிர்பார்க்கப்படுகிறது.
வாட்ஸ்அப் ஆப்பில் இந்த செய்தியை அனுப்பினால்… சிறைவாசம் உறுதி!
ரியல்மி ஜிடி நியோ 3 கேமரா
ஸ்மார்ட்போன் கேமராவைப் பொருத்தவரை 50MP மெகாபிக்சல் Sony IMX766 சென்சார் OIS வசதியுடன் முதன்மை கேமராவாக வருகிறது. இதனைத் தொடர்ந்து 8MP மெகாபிக்சல் அல்ட்ரா வைட், 2MP மெகாபிக்சல் மேக்ரோ லென்ஸ் என பின்பக்கம் மூன்று கேமராக்கள் கொண்ட அமைப்பு உள்ளது.
டிஸ்ப்ளே பஞ்ச் ஹோலில் 16MP மெகாபிக்சல் செல்பி கேமரா கொடுக்கப்பட்டுள்ளது. Realme GT Neo 3 ஸ்மார்ட்போனில் ப்ளூடூத் 5.2, வைஃபை 6E, ஜிபிஎஸ், NFC, டைப்-சி, இரட்டை 5ஜி போன்ற இணைப்பு ஆதரவும் உள்ளது. இதில் கொடுக்கப்பட்டிருக்கும் VC liquid cooling பிரத்யேக அம்சமாக இருக்கிறது.
5 மணிநேரம் வரை எரியும் Inverter LED பல்புகள் – விலையும் மலிவு தான்!
ரியல்மி ஜிடி நியோ 3 பேட்டரி
மிக முக்கியமாக இந்த ஸ்மார்ட்போனில் அதிவிரைவான பாஸ்ட் சார்ஜிங் அம்சம் வழங்கப்பட்டுள்ளது. சந்தையில் இருக்கும் ஸ்மார்ட்போன்களுக்கு டஃப் கொடுக்கும் வகையில் இந்த அம்சத்தை நிறுவனம் கொண்டுவந்துள்ளது. இதில் 4,500mAh பேட்டரி கொடுக்கப்பட்டுள்ளது. இதனை ஊக்குவிக்க 150W அல்ட்ரா பாஸ்ட் சார்ஜிங் ஆதரவு நிறுவப்பட்டுள்ளாது. இது வெறும் 17 நிமிடங்களில் உங்கள் ஸ்மார்ட்போனை முழுவதுமாக சார்ஜ் செய்துவிடும்.
புதிய ரியல்மி ஜிடி நியோ 3 ஸ்மார்ட்போன் ஏப்ரல் 29ஆம் தேதி வெளியாகும் என்று உறுதிபடுத்தப்பட்ட தகவல்கள் தெரிவிக்கின்றன. இதே தினத்தில், ரியல்மி நிறுவனத்தின் புதிய டேப்லெட், வேறு கேட்ஜெட்டுகளும் வெளியிடப்படலாம் எனவும் கூறப்படுகிறது.