சென்னையில் பள்ளி வாகனம் மோதி மாணவன் உயிரிழந்த விவகாரத்தில் பள்ளி முதல்வர் உள்பட 3 பேர் பணி நீக்கம்!

சென்னையில் ஆழ்வார் திருநகரில் தனியார் பள்ளி வளாகத்தினுள்ளேயே, வாகனத்தை திருப்பும்போது, பின்னால் வந்த சிறுவன்மீது  வாகனம் மோதி உயிரிழந்தான். இந்த விவகாரம் பெரும் பரபரப்பை ஏற்படுத்திய நிலையில், வாகனத்தின் டிரைவர், கிளினரை காவல்துறையினர் கைது செய்தனர். மேலும், , மாணவன் தீக்‌ஷித் உயிரிழந்த விவகாரம் தொடர்பாக பள்ளியின் முதல்வர் உள்பட 3 பேர் மீது வழக்கு பதிவு செய்யப்பட்டது. இதையடுத்து, அவர்களை பணிநீக்கம் செய்ய வேண்டும் என பள்ளிக்கல்வித்துறை சார்பில் அறிவுறுத்தப்பட்டது.

இதைத்தொடர்ந்து, பள்ளி முதல்வர் உள்பட  உட்பட 3 பேரை பணி நீக்கம் செய்தது பள்ளி நிர்வாகம் நடவடிக்கை மேற்கொண்டுள்ளது. கல்வித்துறை பரிந்துரையின் பேரில் பள்ளி நிர்வாகம் 3 பேரையும் டிஸ்மிஸ் செய்துள்ளது என்று முதன்மை கல்வி அதிகாரி தெரிவித்துள்ளார். அதன்படி, பள்ளி முதல்வர் தனலட்சுமி, போக்குவரத்து குழுவில் இருந்த 2 உறுப்பினர்கள் பணி நீக்கம் செய்யப்பட்டுள்ளனர்.