ஜெய், சுந்தர் சி நடிப்பில் 'பட்டாம்பூச்சி' டீசர் வெளியீடு
முதல் முறையாக நடிகர் ஜெய் மற்றும் இயக்குனர் சுந்தர் சி இணைந்து நடித்துள்ள படம் பட்டாம்பூச்சி . சைக்கோ த்ரில்லரில் பாணியில் உருவாகி உள்ள இப்படத்தில் சுந்தர் சி போலீசாகவும், ஜெய் சைக்கோ கொலைக்காரனாகவும் நடித்துள்ளனர். இயக்குனர் பத்ரி இப்படத்தை இயக்கியுள்ளார்.
இந்த படத்தில் ஹனிரோஸ் வர்கீஸ், இமான் அண்ணாச்சி ஆகியோர் முக்கிய கதாபாத்திரங்களில் நடித்துள்ளனர். நவ்நீத் இப்படத்திற்கு இசையமைத்துள்ளார். குஷ்பூவின் அவ்னி டெலி மீடியா நிறுவனம் தயாரித்துள்ள இப்படம் வரும் மே மாதம் 13ம் வெளியாகவுள்ளது.
இந்நிலையில் இப்படத்தின் டீசரை நடிகர்கள் விஷால், ஆர்யா மற்றும் இசையமைப்பாளர் யுவன் சங்கர் ராஜா ஆகியோர் இணைந்து இன்று வெளியிட்டுள்ளனர். இந்த டீசர் ரசிகர்களிடையே நல்ல வரவேற்பை பெற்றுள்ளது.