#லைவ் அப்டேட்ஸ்: அமெரிக்க வெளியுறவுத்துறை மந்திரி மற்றும் பாதுகாப்புத்துறை மந்திரி இன்று உக்ரைன் பயணம்..!

ஐ.நா. பொதுச்செயலாளர் ரஷியா செல்வது நியாயம் கிடையாது – உக்ரைன் அதிபர் 

உக்ரைன் மீது ரஷியா போர் தொடுத்து 2 மாதங்கள் நிறைவடைகிறது. இந்நிலையில், போரை முடிவுக்கு கொண்டு வரும் நடவடிக்கையில் ஐ.நா. சபை இறங்கி உள்ளது.அந்த வகையில், ஐ.நா. பொதுச்செயலாளர் ஆன்டனியோ குட்டரெஸ், 26-ந் தேதி மாஸ்கோ செல்கிறார். அங்கு அவரை அதிபர் புதின் வரவேற்கிறார். அதைத்தொடர்ந்து அவர் அதிபர் புதினுடனும், வெளியுறவு மந்திரி செர்ஜி லாவ்ரோவுடனும் பேச்சு வார்த்தை நடத்துகிறார்.

அதைத்தொடர்ந்து அவர் உக்ரைன் சென்று அந்த நாட்டின் அதிபர் விளாடிமிர் ஜெலன்ஸ்கியையும் சந்திக்கிறார். இந்த சந்திப்புகளின்போது, போரை முடிவுக்கு கொண்டுவர வேண்டியதன் அவசியத்தை அவர் வலியுறுத்துகிறார்.

இந்தநிலையில்,  ஐ.நா. பொதுச்செயலாளர் ஆன்டனியோ குட்டரெஸ் ரஷியா  செல்வது எந்த நீதியும் இல்லை சரியான முறையுயும் கிடையாது என உக்ரைன் அதிபர் ஜெலென்ஸ்கி கூறியுள்ளார். 

ஒடேசாவில் இரண்டு ரஷிய ஏவுகணைகள் சுட்டு வீழ்த்தப்பட்டன: உக்ரைன்

உக்ரைன் படைகள், தெற்கு நகரமான ஒடேசாவிற்கு அருகிலுள்ள துறைமுகத்தின் திசையில் பறந்து கொண்டிருந்த இரண்டு ரஷிய கப்பல் ஏவுகணைகளை சுட்டு வீழ்த்தியதாக உக்ரைன் அதிகாரிகள் தெரிவித்தனர்.

ரஷியாவுக்கு பில்லியன் மதிப்புள்ள ஆயுதங்களை வழங்கி உள்ளோம் – போலந்து 

ரஷிய போர் தொடுத்தலில் இருந்து உக்ரைனுக்கு $1.6 பில்லியன் மதிப்புள்ள ஆயுதங்களை தனது நாடு வழங்கியுள்ளதாக போலந்து பிரதமர்  கூறுகிறார்.

உக்ரைன் எல்லையில் அதிநவீன ஏவுகணைகளை குவித்த ரஷியா 

இஸ்கந்தர்-எம் லாஞ்சர்களை ரஷியா எல்லைக்கு அருகில் நிறுத்தியுள்ளதாக உக்ரைன் கூறுகிறது

உக்ரைன் இராணுவத்தின் கூற்றுப்படி, ரஷியா உக்ரைன் எல்லையில் இருந்து 60 கிலோமீட்டர் (40 மைல்) தொலைவில் 

இஸ்கந்தர்-எம் லாஞ்சர்கள் போர்க்கள ஏவுகணைகளை நிலைநிறுத்தி உள்ளதாக கூறப்படுகிறது.

ரஷிய நடத்திய தாக்குதலில்  200க்கும் மேற்பட்ட  குழந்தைகள் பலி – உக்ரைன் 

உக்ரைன் மீதான ரஷிய படையெடுப்பில் 213 குழந்தைகள் கொல்லப்பட்டுள்ளனர் மற்றும் 389 பேர் காயமடைந்துள்ளதாக  உக்ரைன் அரசு தெரிவித்துள்ளது.

ரஷியா நடத்திய ஏவுகணை தாக்குதல் – கொழுந்துவிட்டு எரிந்த குடியிருப்பு கட்டடம்

உக்ரைனின் கார்கீவ் நகர் மீது ரஷியா நடத்திய தாக்குதலில் குடியிருப்பு கட்டடம் தீப்பற்றி எரிந்தது. உக்ரைன் – ரஷியா போர் 60 நாட்களை எட்டிய நிலையில் உக்ரைனின் முக்கிய நகரமான கார்கீவ் மீது ரஷியா ஏவுகணை தாக்குதல் நடத்தியது. இதில், அந்நகரில் உள்ள குடியிருப்பு கட்டடம் முழுவதுமாக தீப்பிடித்து எரிந்தது. இதனை, தீயணைப்பு வீரர்கள் போராடி அணைத்துள்ளனர். மேலும், கார்கீவ் மீது நடத்தப்பட்ட தாக்குதலில் 3 பேர் உயிரிழந்துள்ளதாகவும் 7 பேர் படுகாயமடைந்துள்ளதாகவும் பிராந்திய ஆளுநர் தெரிவித்துள்ளார்.

ரஷியாவின் கொடூர தாக்குதல் : உருக்குலைந்து அலங்கோலமாக காட்சியளிக்கும் உக்ரைன்

உக்ரைனின் செர்னிஹிவ் பகுதியில் இருந்து ரஷிய படைகள் வெளியேறிய நிலையில் அப்பகுதி முற்றிலுமாக சிதிலமடைந்து அலங்கோலமாக காட்சியளிக்கிறது. உக்ரைனின் முக்கிய நகரங்களை கைப்பற்றும் பொருட்டு செர்னிஹிவ் உள்ளிட்ட பகுதிகளில் இருந்து ரஷிய படைகள் வெளியேறி உள்ளன. இதன் பிறகு செர்னிஹிவ் நகரம் முற்றிலுமாக உருக்குலைந்து காட்சியளிக்கும் டிரோன் காட்சிகள் வெளியிடப்பட்டுள்ளன. அதில், குடியிருப்பு கட்டடங்கள், கால்பந்து மையதானங்கள் உள்ளிட்டவை முற்றிலும் சிதிலமடைந்தும் சாலையெங்கும் குப்பைகள் நிறைந்தும் காணப்படுகின்றன.

உக்ரைன் தனது அணுமின் நிலையங்களுக்கு பெரிய அளவிலான உபகரணங்களை விரும்புகிறது – ஐ.ஏ.இ.ஏ (IAEA)

ரஷியாவுடனான போரின் போது அணுமின் நிலையங்களை இயக்குவதற்கு தேவையான “விரிவான உபகரணங்களின் பட்டியலை” உக்ரைன் சர்வதேச அணுசக்தி முகமையிடம் கேட்டுள்ளது என்று ஐ.ஏ.இ.ஏ ( IAEA) டைரக்டர் ஜெனரல் ரஃபேல் க்ரோஸி தெரிவித்தார். இதில் கதிர்வீச்சு அளவீட்டு சாதனங்கள், பாதுகாப்பு பொருட்கள், கணினி தொடர்பானவை அடங்கும். மேலும் உதவி, மின் விநியோக அமைப்புகள் மற்றும் டீசல் ஜெனரேட்டர்களும் இடம்பெற்றிருக்கும் என்றும் அவர் ஒரு அறிக்கையில் தெரிவித்துள்ளார்.

அமெரிக்க வெளியுறவுத்துறை மந்திரி ஆண்டனி பிளிங்கன், பாதுகாப்புத்துறை மந்திரி லாயிட் ஆஸ்டின் ஆகியோர் இன்று (ஏப்ரல் 24-ம் தேதி) உக்ரைனுக்கு வருகின்றனர் என்று அந்நாட்டு அதிபர் வோலோடிமிர் ஜெலென்ஸ்கி தெரிவித்தார்.

அமெரிக்க வெளியுறவுத்துறை செயலர் ஆண்டனி பிளிங்கன் இன்று கீவ்வுக்கு வர உள்ளதாக உக்ரைன் அதிபர் ஜெலென்ஸ்கி தெரிவித்துள்ளார்.