புதுச்சேரி, :புதுச்சேரி, பெரியார் நகரில் உள்ள நியூ லிட்டில் கிட்ஸ் மழலையர் பள்ளி ஆண்டு விழா நடந்தது.கவுண்டன் பாளையம் முத்துரத்தினம் அரங்கம் மேல்நிலை பள்ளி வளாகத்தில் நடந்த விழாவிற்கு பள்ளி தாளாளர் டாக்டர் ரத்தின ஜனார்த்தனன் தலைமை தாங்கினார். போலீஸ் இன்ஸ்பெக்டர் கலைச்செல்வன், தலைமை அறுவை சிகிச்சை நிபுணர் வளவன் கலந்து கொண்டனர்.ஆண்டு விழாவை முன்னிட்டு நடத்தப்பட்ட பல்வேறு போட்டிகளில் வெற்றி பெற்ற மாணவ மாணவிகளுக்கு, குழந்தை நல டாக்டர் ரத்தின தனவேந்தன், கால்நடை டாக்டர் அருண்குமார் ஆகியோர் பரிசுகளை வழங்கினர். புதுச்சேரி மாநில கோஜூரியோ கராத்தே சங்க செயலாளர் சுந்தர்ராஜன் வாழ்த்திப் பேசினார்.உலக கவிஞர்கள் சங்க நிறுவனர் குமார், டாக்டர் ரங்கநாயகி, பள்ளி முதல்வர் கவிதா, பள்ளியின் மூத்த அலுவலக அதிகாரி மரியஸ்டெல்லா, துணை முதல்வர் மங்கையர்கரசி, ஆலோசகர் ரத்னப்பிரியா, கவுண்டன்பாளையம் ஊர் தலைவர் ஜெகதீஸ்வரன் உள்ளிட்டோர் கலந்து கொண்டனர்.சுந்தர நாட்டியாலயா மாணவர்களின் பரதநாட்டிய நடன நிகழ்ச்சி நடந்தது. ஏற்பாடுகளை நியூ லிட்டில் கிட்ஸ் பள்ளி ஆசிரியைகள் லக்ஷ்மி பிரியா, மகாலட்சுமி, சோபியா ஆகியோர் செய்திருந்தனர்.
Advertisement