தாணு தயாரிப்பில் ‛செல்பி' இயக்குனரின் அடுத்தப்படம்
ஜி.வி.பிரகாஷ், வர்ஷா பொல்லம்மா நடிப்பில் உருவான படம் செல்பி. இதனை வெற்றி மாறனின் உறவினர் மதிமாறன் இயக்கி இருக்கிறார். இந்த படத்தை எஸ்.தாணு வெளியிட்டார். இந்த படத்தின் வெற்றி விழா நடந்தது. விழா மேடையிலேயே தாணு தனது தயாரிப்பில் அடுத்த படம் இயக்க இயக்குனர் மதி மாறனுக்கு 10 லட்சம் ரூபாய் அட்வான்ஸ் கொடுத்தார்.
பின்னர் அவர் பேசியதாவது: 'செல்பி என்ற தலைப்பை வைத்து மதிமாறன் என்கிட்ட ஒப்புதல் கேட்டதும் சரி என்றேன். இந்தப்படத்தில் வேலை செய்த அனைவருக்கும் தொழில் பக்தி இருந்தது. எனக்கு மதிமாறனை கொடுத்த வெற்றிமாறனுக்கு நன்றி. 38 நாட்களில் இந்தப்படத்தை இவ்வளவு சிறப்பாக எடுத்ததற்கு மதிமாறனை நிறைய பாராட்டலாம். ஒரே ஒரு காட்சி போட்டுக்காண்பித்து நல்ல விலைக்கு விற்றுக்கொடுத்தேன். இப்படம் மிகப்பெரிய லாபத்தை ஈட்டியிருக்கிறது. வி.கிரியேஷன்ஸ் சார்பாக மதிமாறன் ஒருபடம் பண்ணணும். அதற்கு நான் இப்பவே ரூ.10 லட்சம் அட்வான்ஸ் கொடுக்கிறேன். என்றார்.