அரையிறுதி போட்டியில் அண்ணாமலை பல்கலை| Dinamalar

பெங்களூரு:’கேலோ இந்தியா’ விளையாட்டு போட்டிகளில், மகளிர் பிரிவு கால்பந்தாட்ட போட்டியில், தமிழகத்தை சேர்ந்த அண்ணாமலை பல்கலை அணி அரையிறுதிக்கு முன்னேறியது.

கர்நாடக மாநிலம் பெங்களூரில், அகில இந்திய பல்கலைகளுக்கு இடையேயான 2வது சீசன் கேலோ இந்தியா விளையாட்டு போட்டிகள் நடந்து வருகின்றன.இதில் மகளிர் பிரிவு கால்பந்தாட்ட போட்டியில், சிதம்பரம் அண்ணாமலை பல்கலை அணி, முதல் போட்டியில் திருச்சி பாரதிதாசன் பல்கலையை 4 – 0 என்ற கோல் கணக்கிலும்; மதுரை காமராஜர் பல்கலையை 5 – 0 என்ற கோல் கணக்கிலும் தோற்கடித்தது.

இதன் மூலம், மொத்த புள்ளிகள் கணக்கில், இரண்டாம் இடம் பெற்று, அரையிறுதி போட்டிக்கு முன்னேறியுள்ளது. நாளை நடைபெறும் ஆட்டத்தில், மேற்கு வங்கத்தை சேர்ந்த குருநானக் தேவ் பல்கலையுடன், அண்ணாமலை பல்கலை அணி நேருக்கு நேர் மோதவுள்ளது. அண்ணாமலை பல்கலை கேப்டன் மாளவிகா தலைமையிலான அணியினர், பயிற்சியாளர் ராஜசேகரன் அறிவுரைப்படி, இறுதி போட்டிக்கு முன்னேறுவதற்கான பயிற்சியில் ஈடுபட்டுள்ளனர்.

Advertisement

Leave a Comment

This site uses Akismet to reduce spam. Learn how your comment data is processed.