தமிழ் சினிமாவில் வித்தியாசமான இயக்குனர்களின் வரிசையில் முக்கியமான இடம் பிடிப்பவர்
மிஷ்கின்
. இவரின் படங்கள் அனைத்தும் தமிழ் சினிமாவில் தனி முத்திரை பதித்தவை. இவரின் ‘
பிசாசு 2
‘ படத்திற்காக நீண்ட காலமாக காத்திருக்கின்றனர் ரசிகர்கள். இந்நிலையில் இந்தப்படத்தின் மிரட்டலான டீசர் தற்போது வெளியாகியுள்ளது.
சைக்கோ படத்தின் வெற்றிக்கு பிறகு விஷால் நடிப்பில் துப்பறிவாளன் 2 படத்தை இயக்கும் வேளைகளில் இறங்கினார். அப்போது நடிகர் விஷாலுடன் ஏற்பட்ட மன கசப்பு காரணமாக படத்திலிருந்து விலகினார். இதனை தொடர்ந்து தற்போது
ஆண்ட்ரியா
நடிப்பில் ‘பிசாசு 2’ படத்தை இயக்கியுள்ளார்.
மிஷ்கின் இயக்கத்தில் வெளியான பிசாசு படம் ரசிகர்களிடம் நல்ல வரவேற்பை பெற்றது. ஆண்ட்ரியாவை பிரதானமாக கொண்டு ‘பிசாசு 2’ படத்தின் திரைக்கதை அமைக்கப்பட்டுள்ளது. பூர்ணா, ராஜ்குமார் பிச்சுமணி உள்ளிட்டோரும் இந்த படத்தில் நடிக்கின்றனர். ராக்போர்ட் எண்டர்டையின்மெண்ட் நிறுவனம் தயாரிக்கும் இந்தப்படத்திற்கு கார்த்திக் ராஜா இசையமைக்கிறார்.
சந்தோஷத்திற்காக ஐஸ்வர்யா செய்யும் காரியம்: வாழ்த்தும் ரசிகர்கள்..!
இந்நிலையில் ரசிகர்கள் பெரிதும் எதிர்பார்த்த இந்தப்படத்தின் மிரட்டலான டீசர் தற்போது வெளியாகியுள்ளது. கொடூர கொலைகள் செய்யும் பிசாசாக மிரட்டியுள்ளார் ஆண்ட்ரியா. மாடர்னான பேய் ஓட்டுபவராக
விஜய் சேதுபதி
இந்தப்படத்தில் நடித்துள்ளார். டீசரே வேற லெவலில் இருப்பதாக ரசிகர்கள் கமெண்ட் அடித்து வருகின்றனர். இதனால் படமும் மிரட்டலாக இருக்கும் என எதிர்பார்க்கின்றனர் ரசிகர்கள்.
‘பிசாசு 2’ படத்தில் தன்னை கட்டாயப்படுத்தி நிர்வாணமாக நடிக்க வைத்ததாக ஆண்ட்ரியா கூறியது பெரும் பரபரப்பை ஏற்படுத்தியது. இயக்குனர் மிஷ்கினும் இந்தக்காட்சியை விரசம் இல்லாமல் படமாக்கியுள்ளதாக தெரிவித்துள்ளார். ‘பிசாசு 2’ படம் தெலுங்கு, தமிழ், கன்னடம், மலையாளம் உள்ளிட்ட 4 மொழிகளில் வெளியாகவுள்ளது குறிப்பிடத்தக்கது.
“காத்துவாக்குல ரெண்டு காதல்” படம் எப்படி இருக்கு?