தொடர்ந்து ஸ்மார்ட்போன்கள், டிவிக்கள், கேட்ஜெட்டுகள் என அறிமுகம் செய்துவரும் ரியல்மி நிறுவனம் இன்று அதன் ஸ்மார்ட்போன் வெளியீட்டு நிகழ்வில், புதிய Realme Pad Mini டேப்லெட்டையும் இந்தியாவில் வெளியிட்டது. மொத்தம் 4 வேரியண்டுகளில் டேப்லெட்டுகளை நிறுவனம் டெக் சந்தைக்குள் கொண்டுவந்துள்ளது.
ஏற்கனவே ரியல்மி பேட் அறிமுகம் செய்யப்பட்டு இந்திய பயனர்கள் இடத்தில் நல்ல வரவேற்பை பெற்றது. இதனைத் தொடர்ந்து ரியல்மி பேட் மினியை நிறுவனம் தற்போது அறிமுகம் செய்துள்ளது. இந்த மினி டேப்லெட் சுமார் ரூ.11,999 என்ற தொடக்க விலையைக் கொண்டு விற்பனைக் கொண்டுவரப்படுகிறது. அதுமட்டும் இல்லாமல், கூடுதலாக வங்கி சலுகைகளும் பயனர்களுக்காக அறிவிக்கப்பட்டுள்ளது.
மே 2, 2022 அன்று Flipkart ஷாப்பிங் தளத்தில் விற்பனைக்குக் கொண்டுவரப்படும் இந்த
ரியல்மி பேட் மினி
டேப்லெட்டை சிறந்த விலைக்கு வாங்க உங்களிடம் எஸ்பிஐ வங்கி கிரெடிட் அல்லது டெபிட் கார்டுகள் தேவைப்படும். இந்த வங்கி வாடிக்கையாளர்களுக்கு ரூ.2000 நேரடி தள்ளுபடி வழங்கப்படுகிறது.
Xiaomi Pad 5: டால்பி அட்மாஸ் ஸ்பீக்கர்ஸ்; 120Hz டிஸ்ப்ளே – இப்டி ஒரு பட்ஜெட் டேப்லெட்டா!
ரியல்மி பேட் மினி விலை (Realme PAD Mini Price India)
மொத்தம் ரியல்மி பேட் மினி நான்கு வகைகளில் கிடைக்கிறது. வங்கி சலுகைகள் கழித்து இதன் WiFI 3GB+32GB வேரியண்டின் விலை ரூ.8,999 ஆகவும், LTE 3GB+32GB வேரியண்டின் விலை ரூ.11,249 ஆகவும், WiFI 4GB+64GB வேரியண்டின் விலை ரூ.11,249 ஆகவும், LTE 4GB+64GB வேரியண்டின் விலை ரூ.12,749 ஆகவும் விற்பனைக்கு கொண்டுவரப்படுகிறது.
Xiaomi Pad 5: டால்பி அட்மாஸ் ஸ்பீக்கர்ஸ்; 120Hz டிஸ்ப்ளே – இப்டி ஒரு பட்ஜெட் டேப்லெட்டா!
ரியல்மி பேட் மினி அம்சங்கள் (Realme PAD Mini Specifications)
ரியல்மி பேட் மினி முதலில் பிலிப்பென்ஸ் நாட்டில் அறிமுகம் செய்ப்பட்டது. தற்போது இந்திய சந்தையில் கால்பதித்துள்ளது. இந்த டேப்லெட்டில் 8.7″ இன்ச் WXGA+ டிஸ்ப்ளே கொடுக்கப்பட்டுள்ளது. இதில் 1340×800 பிக்சல் ரெசலியூஷன் உள்ளது. இந்த மினி டேப்லெட்டில்
Unisoc T616
சிப்செட் நிறுவப்பட்டுள்ளது.
கிராபிக்ஸ் மெர்ஃபார்மன்ஸுக்காக Mali G57 GPU கிராபிக்ஸ் எஞ்சின் இதில் கொடுக்கப்பட்டுள்ளது. செல்பி, வீடியோ அழைப்புகள், ஆன்லைன் கல்விக்காக 5MP மெகாபிக்சல் முன்பக்க கேமரா பொருத்தப்பட்டுள்ளது. பின்பக்கம் 8MP மெகாபிக்சல் முதன்மை கேமரா உள்ளது. இந்த டேப்லெட் வெறும் 7.6mm தடிமனில் அல்ட்ரா ஸ்லிம்மாக நிறுவனம் வடிவமைத்து வெளியிட்டுள்ளது.
புதிய ரியல்மி பேட் மினியை சக்தியூட்ட 6400mAh பேட்டரி கொடுக்கப்பட்டுள்ளது. இந்த பெரிய பேட்டரியை ஊக்குவிக்க 18W வாட் பாஸ்ட் சார்ஜிங் ஆதரவும் வழங்கப்பட்டுள்ளது. ரிவர்ஸ் சார்ஜிங் ஆதரவும் இதில் உள்ளது. இந்த டேப்லெட் 4ஜிபி ரேம், 64 ஜிபி மெமரி வரையிலான ஆதரவைக் கொண்டிருக்கும்.
டால்பி தரத்திலான இரட்டை ஸ்பீக்கர்கள் இதில் நிறுவப்பட்டுள்ளது. 4ஜி சிம் ஆதரவு, வைஃபை, ப்ளூடூத், டைப்-சி போன்ற இணைப்பு ஆதவுகளையும் இந்த டேப்லெட் கொண்டுள்ளது. ஆண்ட்ராய்டு 11 அடிப்படையிலான ரியல்மி UI கொண்டு இந்த டேப்லெட் இயக்கப்படுகிறது.