சர்க்காரு வாரி பாட்டா புரமோஷனை ஆரம்பித்த கீர்த்தி சுரேஷ்
கடந்த இரண்டு வருடங்களுக்கு முன்பு கொரோனா தாக்கம் ஆரம்பித்தது முதல் தற்போது வரை ஒரு நடிகையின் அதிக படங்கள் ரிலீசாகி இருக்கிறது என்றால் அது கீர்த்தி சுரேஷ் நடித்த படங்கள்தான். இந்த இரண்டு வருடங்களில் கீர்த்தி சுரேஷ் நடித்த 6 படங்கள் வெளியாகிவிட்டன. இது தவிர தற்போது இன்னும் அரை டஜன் படங்களில் நடித்து வருகிறார் கீர்த்தி சுரேஷ். இந்த நிலையில் மகேஷ்பாபுவுடன் முதன்முறையாக அவர் இணைந்து நடித்துள்ள சர்க்காரு வாரி பாட்டா திரைப்படம் வரும் மே மாதம் வெளியாக இருக்கிறது. பரசுராம் இந்த படத்தை இயக்கியுள்ளார்.
தற்போது மகேஷ்பாபு தனது குடும்பத்துடன் வெளிநாட்டில் சுற்றுலாவில் இருக்கும் நிலையில் இங்கே கீர்த்தி சுரேஷ் இந்த படத்திற்கான தனது முதல்கட்ட புரமோஷனை ஆரம்பித்துள்ளார். இந்தப்படம் குறித்து அவர் கொடுத்துள்ள வீடியோ பேட்டி ஒன்றின் புரோமோ தற்போது வெளியாகி உள்ளது. விரைவில் இந்த முழு புரமோஷன் வீடியோவும் வெளியாக இருக்கிறது.