வழிதவறிய சிறுவன் பெற்றோரிடம் ஒப்படைப்பு | Dinamalar

திருக்கனுார் : கே.ஆர்.பாளையத்தில் வழிதவறி வந்து சுற்றித் திரிந்த சிறுவனை போலீசார் மீட்டு, பெற்றோரிடம் ஒப்படைத்தனர்.திருக்கனுார் அடுத்த கே.ஆர்.பாளையம் பஸ் நிறுத்தம் அருகே 10 வயது மதிக்கத்தக்க சிறுவன் அழுதபடி சுற்றித் திரிந்து கொண்டிருந்தான். இதைகண்ட பொதுமக்கள் சிறுவனை மீட்டு, திருக்கனுார் போலீசில் ஒப்படைத்தனர்.

போலீசார் நடத்திய விசாரணையில், அந்த சிறுவன் சோரப்பட்டு கிராமத்தில் செங்கல் சூளையில் தங்கி வேலை செய்யும் தண்டபாணி, பரமேஸ்வரி தம்பதியின் மகன் தினேஷ்குமார், வழி தவறி வந்தது தெரியவந்தது. போலீசார் சிறுவனை அழைத்துக் கொண்டு, சோரப்பட்டு சென்று, அங்கு செங்கல் சூளையில் தங்கியிருந்த பெற்றோரிடம் தினேஷ்குமாரை ஒப்படைந்தனர்.

Advertisement

Leave a Comment

This site uses Akismet to reduce spam. Learn how your comment data is processed.