அஜித்துக்கு ஜோடியாகும் மலையாள நடிகை
நேர்கொண்ட பார்வை, வலிமை படங்களைத் தொடர்ந்து மீண்டும் வினோத் இயக்கும் தனது 61வது படத்தில் நடித்துக் கொண்டிருக்கிறார் அஜித் குமார். வங்கிக் கொள்ளை சம்பந்தப்பட்ட கதையில் உருவாகும் இந்த படத்தில் அஜித் குமார் ஹீரோ- வில்லன் என இரட்டை வேடத்தில் நடிப்பதாக தகவல்கள் வெளியாகியுள்ளன. இப்படத்தில் அஜித் நடித்து வரும் புதிய கெட்டப்பின் புகைப்படங்கள் வெளியாகி ரசிகர்களை பெரிய அளவில் ஈர்த்து வருகிறது. இந்த நிலையில் அஜித் 61வது படத்தில் நாயகியாக மலையாள நடிகை மஞ்சு வாரியர் நடிப்பதாக தகவல்கள் வெளியாகி உள்ளன. இவர் ஏற்கனவே வெற்றிமாறன் இயக்கத்தில் தனுஷ் நடித்த அசுரன் படத்தில் அவருக்கு ஜோடியாக நடித்தவர் என்பது குறிப்பிடத்தக்கது.