எரிபொருட்களின் தரம் குறித்து சமூக வலைதளங்களில் பரவி வரும் தகவல்கள் குறித்து மின்சக்தி மற்றும் எரிசக்தி அமைச்சகம் அறிக்கை ஒன்றை வெளியிட்டுள்ளது.
அந்த அறிக்கையில் தொடர்ந்தும் தெரிவிக்கப்பட்டுள்ளதாவது,
குருநாகல் – நாரம்மல எரிபொருள் நிரப்பு நிலையத்தில் எரிபொருளின் தரம் தொடர்பில் சமூக ஊடகங்களில் பரப்பப்பட்ட எரிபொருள் மாதிரிகள் ஏற்கனவே எடுக்கப்பட்டு ஆய்வுகூடங்களுக்கு அனுப்பி வைக்கப்பட்டுள்ளது.
இரண்டு எரிபொருள் நிரப்பு நிலையங்களிலும் மேற்கொள்ளப்பட்ட விசாரணைகளில் எரிபொருள் பிரச்சினை எதுவும் ஏற்படவில்லை.
கடந்த ஐந்தாம் திகதி நாடளாவிய ரீதியில் சுமார் 92 இலட்சம் லீற்றர் 92 ஒக்டேன் விநியோகிக்கப்பட்டுள்ளதுடன், 472 பௌசர்கள் விநியோக நடவடிக்கைகளில் ஈடுபட்டுள்ளன.
ஒரு முனையம் அல்லது கிடங்கில் இருந்து எரிபொருளை வெளியிடும் போது பொருத்தமான தரப்படுத்தப்பட்ட நடைமுறைகள் எப்போதும் பின்பற்றப்படுகின்றன.
தொடர்புடைய மாதிரிகள் தினசரி ஆய்வு செய்யப்படுகின்றன.
மேலும், தாங்கிகளுக்கான எரிபொருளை விடுவித்ததன் பின்னர், தரம் தொடர்பாக டேங்கர் சாரதியிடம் சான்றொப்பம் மேற்கொள்ளப்படுகின்றது.
நாரம்மலை எரிபொருள் நிரப்பு நிலையத்தை வந்தடைந்த பௌசரும் முத்துராஜவெலயிலிருந்து புறப்படுவதற்கு முன்னர் தரச்சான்றிதழை வழங்கியுள்ளது.
காலியில் உள்ள எரிபொருள் நிரப்பு நிலையத்தில் எரிபொருளின் தரம் தொடர்பில் சமூக ஊடகங்களில் பரவிவரும் தகவல்கள் தொடர்பிலும் விரிவான விசாரணை நடத்தப்பட்டு வருகின்றது.
எரிபொருள் இருப்புக்களை பதிவு செய்வதிலிருந்து வாடிக்கையாளர்களுக்கு வழங்குவது வரை நான்கு முறை எரிபொருள் தரம் சோதிக்கப்படுகிறது.
வெளி நாடுகளில் இருந்து எரிபொருள் ஏற்றுமதி செய்யப்படுவதற்கு முன், எரிபொருளின் தரம் சிறப்பாகச் சரிபார்க்கப்படுகிறது.
ஒரு சுயாதீன விசாரணைக் குழு எரிபொருள் நிறுவனத்துடன் உடன்படுகிறது மற்றும் பெட்ரோலியக் கூட்டுத்தாபனம் விசாரணையில் பங்கேற்கிறது.
எரிபொருள் மற்றும் கப்பல்கள் கொழும்பு துறைமுகத்தை வந்தடைந்த பின்னர் கொலன்னாவ மற்றும் சபுகஸ்கந்த ஆய்வு கூடங்களில் தர பரிசோதனை மேற்கொள்ளப்படுகிறது.
மாதிரிகள் எடுக்கப்பட்ட நேரம் முதல் முடிவுகள் வெளியாகும் வரை, ஒரு சுயாதீன குழு எரிபொருள் நிறுவனம் மற்றும் பெட்ரோலியம் கூட்டுத்தாபனத்துடன் இணைந்து ஆய்வுகளை மேற்கொள்கின்றது.
தொட்டிகளில் உள்ள எரிபொருளானது பவுசர்களுக்கு வழங்கப்படுவதற்கு முன் சரியாக அளவீடு செய்யப்பட்டு, பவுசர்களால் நிரப்பு நிலையத்திற்கு அனுப்பப்பட்ட பின்னர் தோராயமாக அளவீடு செய்யப்படுகிறது.
இந்நிலையில், எரிபொருளின் தரம் தொடர்பில் ஏதேனும் சந்தேகங்கள் இருப்பின் நுகர்வோர் 0115 234 234 மற்றும் 0115 455 130 என்ற தொலைபேசி இலக்கங்களுக்கு அழைக்கலாம் என தெரிவிக்கப்பட்டுள்ளது.
தொடர்புடைய செய்திகள்…
வாகனங்களுக்கு எரிபொருள் நிரப்புவதில் அவதானம்! நீர் கலந்த எரிபொருள் விநியோகம் (Video)
நீர் கலந்த பெட்ரோல் விநியோகம்: சமூக ஊடகங்களில் வெளியான காணொளி
