சுவிஸ் நிறுவனத்தை கைப்பற்றிய ஹெச்சிஎல்.. ரோஷ்னி நாடார் அசத்தல்..!

ஹெச்சிஎல் டெக்னாலஜிஸ்

ஹெச்சிஎல் டெக்னாலஜிஸ் நிறுவனத்தின் பிரிட்டன் கிளை நிறுவனமான – ஹெச்சிஎல் டெக்னாலஜிஸ் UK லிமிடெட், சுவிஸ் நாட்டை மையமாகக் கொண்டு இயங்கி வரும் டிஜிட்டல் வங்கி மற்றும் வெல்த் மேனேஜ்மென்ட் ஆலோசனை நிறுவனமான Confinale AG-ஐ வாங்க முடிவு செய்துள்ளது.

Confinale AG நிறுவனம்

ஹெச்சிஎல் டெக்னாலஜிஸ் UK லிமிடெட் நிறுவனம் Confinale AG நிறுவனத்தை CHF 53 மில்லியன் அதாநது இந்திய ரூபாய் மதிப்பீட்டில் 4,183 கோடி ரூபாய் டாலரில் 54 மில்லியன் தொகையைக் கொண்டு கைப்பற்றியுள்ளதாக அறிவித்துள்ளது. கான்ஃபினேல் நிறுவனத்திற்குச் சுவிஸ், ஜெர்மனி, பிரிட்டன் ஆகிய நாடுகளில் அலுவலகத்தை வைத்துள்ளது.

 

Avaloq தொழில்நுட்பம்

2012 இல் நிறுவப்பட்ட கான்ஃபினேல், வங்கி மற்றும் வெல்த் மேனேஜ்மென்ட் துறையில் சிறப்புத் தகவல் தொழில்நுட்ப ஆலோசனை சேவைகளை வழங்கியுள்ளது. மேலும் இந்நிறுவனம் Avaloq ப்ரீமியம் செயல்படுத்தும் கூட்டாளியாகவும் விளங்குகிறது.

சேவைகள்

Avaloq தொழில்நுட்ப பிரிவில் அதிகளவிலான வல்லுனர்கள், சிறப்பு வாய்ந்த தொழில்நுட்ப சேவைகள், வேகமாக இம்பிளிமென்டேஷன் செய்யும் திறன்களைக் கொண்டு உள்ளது கான்ஃபினேல். இந்த நிறுவனத்தைக் கைப்பற்றியதன் மூலம் கான்ஃபினேல் சேவைகளை உலகம் முழுவதும் இருக்கும் ஹெச்சில் வாடிக்கையாளர்களுக்கு விற்பனை செய்ய முடியும்.

2.44% உயர்வு

கான்ஃபினேல் நிறுவனத்தைக் கைப்பற்றியதன் மூலம் இன்று மும்பை பங்குச்சந்தை சரிவில் இருந்தாலும் ஹெச்சிஎல் நிறுவனம் சுமார் 2.44 சதவீதம் உயர்ந்து 1075.75 ரூபாய்க்கு வர்த்தகம் செய்யப்பட்டது. மேலும் சென்செக்ஸ் குறியீட்டில் டாப் 30 நிறுவனங்களில் அதிகம் வளர்ச்சி அடைந்த நிறுவனங்கள் பட்டியலில் ஹெச்சிஎல் 2வது இடத்தில் உள்ளது.