வைரலாகும் பாக்கியலெட்சுமி கோபியின் மீம்ஸ்
விஜய் டிவியில் அனைத்து தரப்பு ரசிகர்களையும் கவர்ந்துள்ள ஒரு தொடர் 'பாக்கியலெட்சுமி'. சமீபத்தில் நடைபெற்ற விருது நிகழ்வில் கூட அதிக விருதுகளை தட்டிச் சென்றது. இரண்டு மனைவிகளுக்கு இடையில் சிக்கித்தவிக்கும் கோபியின் கதாபாத்திரம் அனைவரையும் கவர்ந்துள்ளது. இந்நிலையில், கோபி படும் கஷ்டங்களை மீம்ஸ்களாக இணையத்தில் உலா வருகின்றன. ராதிகாவுடன் கோபி கொஞ்சி குலாவுவதை எழில் பார்த்துவிட காரில் புலம்பிக் கொண்டிருக்கும் கோபியை, சென்னை 28-ல் பாத்ரூமுக்குள் குமுறும் ஜெய்யின் காட்சியுடன் இணைத்து மீம்ஸ் போட்டுள்ளனர். அதே போல் நாட்டாமை படத்தில் கவுண்டமணி செந்திலை பார்த்து 'டேய் தகப்பா' என்று சொல்லும் காட்சியையும், மாரி 2 படத்தில் தனுஷ் வில்லனுக்கு நோஸ் கட் செய்யும் காட்சியையும் எழில் மற்றும் கோபியுடன் இணைத்து நகைச்சுவையான மீம்ஸ்களை கிரியேட் செய்துள்ளனர். இந்த மீம்ஸ்கள் பாக்கியலெட்சுமி சீரியல் ரசிகர்களிடம் தற்போது தீயாக பரவி கவனம் ஈர்த்து வருகிறது.