வரும் மே 21ஆம் தேதி தமிழகத்தில் நடைபெற இருக்கும் குரூப் 2, 2ஏ தேர்வில், தேர்வர்கள் அனைவரும் ‘ஸ்மார்ட் வாட்ச்’ அணிய அனுமதி இல்லை என்று டிஎன்பிஎஸ்சி நிர்வாகம் அறிவித்துள்ளது.
மேலும், முகக்கவசம் அணிந்து வருபவர்களுக்கு மட்டுமே குரூப் 2, 2 ஏ தேர்வுகளுக்கு அனுமதி வழங்கப்படும் என்றும் டிஎன்பிஎஸ்சி நிர்வாகம் அறிவித்துள்ளது.
தமிழகம் முழுவதும் மே 21ஆம் தேதி குருப் 2, 2ஏ தேர்வுகள் நடைபெறவுள்ளன. குரூப்2, குரூப் 2ஏ பிரிவில் காலியாகவுள்ள 5 ஆயிரத்து 400 பணியிடங்களுக்கு, சுமாா் 11 லட்சம் போ் விண்ணப்பித்திருந்தனர்.
தேர்வுக்கு விண்ணப்பித்துள்ள தேர்வர்களின் நுழைவுச் சீட்டு இன்று டிஎன்பிஎஸ்சி இணையதளத்தில் தேர்வாணையம் வெளியிட்டுள்ளது.
மேலும், இன்று குரூப் -2 மற்றும் மற்றும் குரூப் – 2ஏ தேர்வுக்கான நுழைவுச் சீட்டை தமிழ்நாடு பணியாளர் தேர்வாணையம் தனது இணையதளத்தில் வெளியிட்டுள்ளது.
இந்த நிலையில், தேர்வுக்கு முகக்கவசம் கட்டாயம், ஸ்மார்ட் வாட்ச் அணிய தடை என்ற அறிவுறுத்தல்களை தேர்வாணையம் அறிவித்துள்ளது.
இது குறித்து டிஎன்பிஎஸ்சி வெளியிட்டுள்ள அறிவிப்பில் தெரிவிக்கப்பட்டிருப்பதாவது, “குரூப் 2, 2 ஏ தேர்வெழுதும் தேர்வர்கள், தேர்வறையில் முகக்கவசம் அணிந்திருக்க வேண்டும். தேர்வு அறை கண்காணிப்பாளர்கள் வரும்போது அடையாளம் காண முகக்கவசத்தை அகற்ற வேண்டும்.
தேர்வர்கள் அனைவரும் ‘ஸ்மார்ட் வாட்ச்’ அணிய அனுமதி இல்லை” என்று டிஎன்பிஎஸ்சி நிர்வாகம் அறிவித்துள்ளது.