நாடுமுழுவதும் தமிழகம் உள்பட 15 மாநிலங்களில் காலியாகும் 57 மாநிலங்களவை உறுப்பினர் இடங்களுக்கு வரும் ஜூன் மாதம் 10-ம் தேதி மாநிலங்களவை தேர்தல் நடைபெறும் என்று தேர்தல் ஆணையம் அறிவிப்பு வெளியிட்டுள்ளது.
இதில், தமிழகத்தில் 6 மாநிலங்களவை எம்.பி.க்களின் பதவிக் காலம் வரும் ஜூன் மாதம் 29-ம் தேதி முடிவடையவுள்ள நிலையில், இந்த ஆறு இடங்களுக்கும் தேர்தல் நடைபெற உள்ளது.
தமிழகத்தில் பதவிக் காலம் முடியும் 6 மாநிலங்களவை எம்.பி.க்களின் விவரம் :
ஆர்.எஸ்.பாரதி,
டிகேஎஸ் இளங்கோவன்,
ராஜேஷ்குமார்,
நவநீதிகிருஷ்ணன்,
எஸ்.ஆர்.பாலசுப்பிரமணியன்,
ஏ.விஜயகுமார் ஆகிய 6 எம்.பிக்களின் பதவிக்காலம் முடிவடைகிறது.
இதேபோல், ஆந்திரா, தெலங்கானா, கர்நாடகா உள்ளிட்ட 15 மாநிலங்களில் உள்ள 51 மாநிலங்களவை இடங்களுக்கும் ஜூன் 10ம் தேதி தேர்தல் நடைபெறுவதாக இந்திய தேர்தல் ஆணையம் அறிவித்துள்ளது.
மொத்தமாக தமிழகத்தை சேர்த்து 57 மாநிலங்களவை இடங்களுக்கு ஜூன் 10ம் தேதி தேர்தல் நடைபெறுவதாக இந்திய தேர்தல் ஆணையம் அறிவித்துள்ளது.